Sulmuesi i Italisë, Gianluca Scamacca, është blerja e fundit e ekipit londinez, West Ham United.
Këta të fundit shpenzuan 36 milionë euro, shifër kjo që mund të shkojë deri në 42 për ta transferuar Scamacca-n nga Sassuolo.
All the way from Rome, Italy…
Welcome to West Ham United, Gianluca Scamacca! ✍️ pic.twitter.com/1ed3VOGFcR
— West Ham United (@WestHam) July 26, 2022
23-vjeçari firmosi kontratë pesë-vjeçare me klubin nga Londra, derisa në prezantimin e tij tha që mezi pret të debutojë me ekipin e tij të ri dhe se e kishte ëndërr të luante në Premier Leauge.
“Jam i lumtur që do të luaj me West Ham-in. Ka kohë që e pres këtë moment, e kam ëndërruar të luaj në Premier League”, tha Scamacca.
Sleep well, Hammers 😄 pic.twitter.com/FD03gekcs8
— West Ham United (@WestHam) July 26, 2022
“E ndjej që West Ham është skuadra ideale për mua. Ata e treguan sa shumë donin të firmosnin me mua”, shtoi ai.
“Fola me trajnerin, u kuptuam menjëherë me njëri-tjetrin. Mezi po pres të luaj dhe t’u tregoj tifozëve se çfarë mund të bëj me fanellën e West Ham-it”, tha mes tjerash italiani gjatë prezantimit.
Sulmuesi 23-vjeçar shpërtheu në edicionin e kaluar me fanellën e Sassuolo-s. Ai shënoi 16 gola në 36 ndeshje në Serie A.
A message from your new striker! 👋 pic.twitter.com/VFOPGLcHpG
— West Ham United (@WestHam) July 26, 2022
Sulmuesi shtatlartë debutoi me kombëtaren italiane në shtatorin e kaluar, dhe deri tani numëron shtatë ndeshje me katër herë kampionët e botës.
Kujtojmë që Paris Saint Germain ishte shumë afër të nënshkruante gjatë kësaj vere me Scamacca-n, por në fund ky vendosi që t’i bashkohet West Ham-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë