Lista Serbe, përmes një komunikate për media, ka dënuar ashpër sulmin me mjete shpërthyese ndaj objektit të elektro-distribucionit “Elektrokosmet”, në Veri të Mitrovicës.
Sipas tyre, sulmi në fjalë dhe rrjedhimisht rritja e tensioneve është kundër interesave të popullit serb që jetojnë në Veri të Kosovës.
“U bëjmë thirrje organeve kompetente që të kryejnë me kujdes të gjitha veprimet e nevojshme hetimore dhe të garantojnë sigurinë për qytetarët”, thuhet në komunikatën për media.
Ndryshe ministri i Punëve të Brendshme, Xhelal Sveçla, ka akuzuar strukturat paralele serbe për sulmin në fjalë.
Sipas tij, qëllimi i një sulmi të tillë është ngjallja e pasigurisë te qytetarët.
“Ka pasur një shpërthim ku ka dëme materiale. Nuk ka të lënduar. Qëllimi është që të terrorizohen banorët atje, por edhe të ngjallin pasiguri për të gjithë qytetarët e Kosovës. Ne jemi të bindur që organet tona të hetuesisë do të dalin me informata edhe më të detajuara, por edhe me rezultate nga ato hetime”, deklaroi Sveçla për agjencinë e lajmeve KosovaPress.
Ndryshe ngjarja ndodhi dy ditë pasi Kosova dhe Serbia u pajtuan për zbatimin e marrëveshjes për energjinë të nënshkruar më 2013, në Bruksel, por e cila nuk ishte zbatuar.
Pas dakordimit për zbatimin e marrëveshjes për energjinë, qytetarët në katër komunat në veri të Kosovës, të banuara më shumicë serbe, që nuk kanë paguar rrymën elektrike nga viti 1999, do të obligohen t’i paguajnë faturat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Çitaku, Kurtit: Jeni zgjedhur që ta qeverisni Kosovën, jo t’i përçani shqiptarët
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova
-
Zgjedhjet në RMV, Abdixhiku: Shqiptarët u ndanë, kryeministri populist i Kosovës dhe gjithë aparati qeveritar i tij, u bënë akter aktiv
-
“Jo Rusisë, po Evropës”, Gjeorgjia del në rrugë kundër ligjit për agjentët e huaj
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova