Ministria e Mbrojtjes e Azerbajxhanit njoftoi se njësitë e ushtrisë së saj janë sulmuar nga një grup i armatosur ilegal armen në Nagorno-Karabakh, ku mbeti i vrarë një ushtar dhe u plagos një tjetër.
Deklarata vjen pasi Ministria e Mbrojtjes e Armenisë mohoi raportimet e mediave për luftime në rajonin fqinj të Hadrut-it dhe deklaroi se forcat etnike armene në Nagorno-Karabakh ishin duke respektuar armëpushimin.
Luftime mes dy shteteve ndodhën në fund të shtatorit në përshkallëzimin më të madh të konfliktit midis Armenisë dhe Azerbajxhanit, duke shkaktuar më shumë se 5 mijë 600 të vrarë nga të dyja palët.
Një marrëveshje paqeje e ndërmjetësuar nga Rusia, përmes së cilës Azerbajxhani rimorri pjesën më të madhe të rajonit separatist së bashku me zonat fqinje, bëri të mundur përfundimin e konfliktit pas gjashtë javë luftimesh.
Në 12 dhjetor, Armenia dhe Azerbajxhani raportuan përplasje të reja në jug të Nagorno-Karabakh-ut.
Forcat paqeruajtëse ruse, të cilat monitorojnë marrëveshjen e paqes gjithashtu raportuan për shkelje./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Osmani pas fitores: Vetëm fillimi i një kapitulli të ri për një të ardhme të ndritur
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
O’Brien i kërkoi “përparim urgjent” për Asociacionin, Kurti s’e përmend askund
