Sipas raportimeve që vijnë nga “Sport1”, qendërmbrojtësi i Bayern Munich-ut, Niklas Sule, gjithnjë e më shumë po lidhet me një largim të mundshëm nga bavarezët.
26-vjeçari është në vitin e fundit të kontratës në “Allianz Arena” dhe nuk ka shenja rinovimi në horizont.
Nga raportimet e “Sport1”, në garë për shërbimet e gjermanit janë futur disa klube kryesore angleze.
Sule po zvarrit marrëveshjen me Bayern-in, pasi ka shqetësime se jo të gjithë në klub janë të prirur t’i ofrojnë atij një marrëveshje të re.
Trajneri Julian Nagelsmann ka qenë njeriu që e zbuloi Sule-n në kohën kur të dy ishin pjesë e Hoffenheim-it dhe është admirues i tij.
Por, nuk mund të thuhet e njëtja gjë për personat e tjerë të klubit.
Sule ka qenë shpeshherë në qendër të kritikave. Pavarësisht gjithçkaje, ai ka qenë pjesë e pandashme e formacionit bazë të bavarëzeve.
Disa javë më parë, “Der Spiegel” zbuloi disa mesazhe të së kaluarës, ku Sule i kërkonte agjentit të tij, nëse për të kishte interes në Premier League.
“Kontrolloni ofertat nga Anglia nëse dikush më do atje”, thuhet në mesazhin që Sule i ka dërguar agjentit të tij në vitin 2018.
“Nëse dikush nga klubet e mëdha do të më merrte mua, më tregoni. Arsenal-i, Liverpool-i, Chelsea, por mundësisht Manchester United”, vijonte mesazhi i Sule-s.
Mbrojtësi është pjesë e Bayern-it që nga viti 2017.
20 milionë euro pagoi skuadra nga Mynihu për shërbimet e 26-vjeçarit.
Që nga ajo kohë, Sule numëron 144 paraqitje me fanellën e Bayern-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova