Shëndet

Studim: alkooli dëmton rëndë trurin


Nuk ekziston ‘sasia e duhur’ e konsumimit të alkoolit për të mos dëmtuar trurin.

Madje edhe pija e ‘moderuar’ ndikon negativisht në çdo pjesë të tij, sipas një studimi të fundit me më shumë se 25,000 njerëz.

“Nuk ka një prag se sa alkool duhet pirë për të mos dëmtuar trurin- çdo sasi është e dëmshme.

“Pothuajse preket i gjithë truri jo vetëm zona specifike, siç mendohej më parë,”-tha autori kryesor, Anya Topiwala, një lektor i vjetër klinik në Universitetin e Oksfordit.

Vëllimi më i lartë i konsumit të alkoolit në javë shoqërohej me densitet më të ulët të lëndës gri – zbuluan studiuesit, që shpjegon një ndryshim prej 0.8% të vëllimit të lëndës gri.

Kjo mund të duket si një shifër e vogël, por është një kontribut më i madh se çdo faktor tjetër. Për shembull, është katërfishi i dëmtimit që sjell pirja e duhanit, tha Topiwala.

Përkundër hulumtimit të mëparshëm që sugjeronte se ka një përfitim pirja e moderuar e verës, krahasuar me birrë ose pije alkoolike, studimi nuk gjeti prova që sugjerojnë se lloji i pijeve alkoolike jep ndryshime në rreziqet për trurin.

“Në skemën e madhe të gjërave, këto efekte duken të vogla, megjithëse është e vështirë të flasësh për ndikimin e alkoolit në rezultate të tjera shëndetësore, siç janë rreziqet e kancerit, pa hulumtime të mëtejshme, për të kuptuar se si ushqehet lidhja midis alkoolit dhe shëndetit të trurit përmes rezultateve më të prekshme, siç janë çmenduria ose Alzheimeri.”

Në vitin 2016, Departamenti i Shëndetësisë prezantoi udhëzime të reja për alkoolin në MB, duke rekomanduar që burrat dhe gratë të pinë jo më shumë se 14 njësi alkooli(10 gota të vogla) çdo javë.

Duke përdorur Biobank të Mbretërisë së Bashkuar, një bazë të dhënash të konsiderueshme, të krijuar për të ndihmuar studiuesit të deshifrojnë faktorët gjenetikë dhe mjedisorë që çojnë disa njerëz të zhvillojnë sëmundje ndërsa të tjerët jo, studiuesit analizuan të dhënat nga 25,378 pjesëmarrës si mosha, seksi, arsimi, konsumi i alkoolit, madhësia e trurit dhe shëndeti.

Marrë dhe përshtatur nga “The Guardian” për Albanian Post

 

 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore