Skuadra angeleze e Watford ka hyrë në librat e historisë me emërimin e Roy Hodgson, por jo për të mirë.
Grerëzat po kalojnë një formë shumë të dobët, ku kanë arritur vetëm një fitore në dhjetë ndeshjet e fundit, duke humbur nëntë të tjerat.
Ky rekord i shtyu ata që të shkarkojnë edhe trajnerin e dytë gjatë këtij sezoni, italianin Claudio Ranieri.
Si zëvendësues të tij, Watford e ka emëruar trajnerin me përvojë shumë vjeçare, Roy Hodgson.
Mirëpo, së bashku me të, kanë ardhur edhe dy statistika, që pasqyrojnë një realitet të tmerrshëm për grerëzat.
Roy Hodgson është trajneri i gjashtë që emërohet në drejtimin e klubit, që nga hera e fundit kur ata kanë arritur të mbajnë portën e paprekur në Premier League.
Pra, Gracia, Sanchez Flores, Pearson, Munoz, Ranieri dhe tani Hodgson.
Nga këta emra, asnjëri nuk ka arritur asnjëherë që nën drejtimin e Watford të përfundojë një ndeshje për të pësuar gol.
Statistika tjetër interesante, është fakti që: Pesë fitoret e fundit të grerëzave si mysafir, kanë ardhur të gjitha nën trajner të ndryshëm.
Pra emrat e lartpërmendur, të gjithë kanë arritur vetëm një fitore si mysafirë në kuadër të Premier League.
Nëse Hodgson e arrin këtë ai do bëhej i gjashti.
Se a do e arrijë këtë gjë, dhe a do e mbajë ai portën e paprekur nën drejtimin e klubit, mbetet për t’u parë…
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
