Studio prestigjioze e arkitekturës bashkëkohore XDGA (Belgjikë), u shpall fituese për projektin e stadiumit të ri “Flamurtari”, Vlorë.

Në fazën finale të këtij konkursi garuan dhe 2 studio të tjera prestigjioze të arkitekturës bashkëkohore: OPPENHEIM Arkitekturë (SHBA dhe Zvicër) dhe FUKSAS (Itali).

Kryeministri Edi Rama gjatë fjalë së tij sot në finalen e konkursit ndërkombëtar për projektin e stadiumit të ri “Flamurtari” tha se, “ambicia jonë është krijimi i modeleve të reja, ku stadiumet e qyteteve tona të mund të bëhen edhe motorë zhvillimi ekonomik e social”.

“Për të zgjedhur fituesin pamë me kujdes termat e referencës të një koncept të ri për qendrën e qytetit së bashku me stadiumin. Nuk e kemi parë si një skemë më vete, por si një skemë që duhet të merren parasysh edhe aktorë të ndryshëm. Në pamë edhe fizibilitetin, kërkesat financiare dhe për këtë arsye kemi zgjedhur ‘XDGA’ si fitues”, u shpreh një nga anëtarët e jurisë.

“Jemi shumë të kënaqur, pasi jemi vërtet të përfshirë në qytetin e Vlorës”, tha përfaqësuesi i studios fituese.

Stadiumi ‘Flamurtari’, shpallet projekti fitues