Gjatë ditë së enjte përfaqësuesit e këshillit të specializantëve të cilët janë përfaqësues të klinikave të specializantëve kanë protestuar para ndërtesës së qeverisë për statusin e tyre ekonomik dhe profesional.
Sipas tyre mjekët e rinj specializant qe 20 vjet që nga periudha e pasluftës neglizhohen nga institucionet e Kosovës.
“Kërkojmë nga Kryeministri i Kosovës dhe nga Ministria e Shëndetësisë ta ndalin traditën e shpërfilljes të mjekëve të rinj veçanërisht mjekëve në specializim”, ka thënë Arianit Zaimi njëri nga përfaqësuesit e këshillit së specializantëve, në një prononcim për media gjatë protestës.
Zaimi, madje para mediave ka njoftuar edhe me disa nga kërkesat e tyre, ku mes tjerash statusin e mjekut të rregullt, pasi, sipas tij, subvencionet të cilat ata i marrin janë ndihma sociale.
“Kërkesa jon e dytë është që kujdestaritë të paguhen, ne mbajmë kujdestari 24 orë dhe nuk paguhemi asgjë për këtë. Gjithashtu kemi kërkuar paga të dinjitetshme dhe të ndryshohet udhëzimi administrativ. Sa i përket pagës ne nuk kemi cekur koeficientin prandaj e kemi lënë në dorën e profesionistëve që të na hartojnë paga të dinjitetshme”, ka shtuar Zaimi
Ai në fund ka potencuar protesta e këshillit të specializantëve do të vazhdojë deri në plotësimin e kërkesave
“Ne do të vazhdojmë me protesta deri atëherë kur na prezantohet një dokument në formë të shkruar i cili garanton që kërkesat tona do të realizohen”, ka përfunduar ai.
Ndërsa në anën tjetër Federata e Sindikatave të Shëndetësisë së Kosovës, gjatë ditës së enjte do të jetë në grevë për tetë orë, me kërkesën e rregullimit të gjendjes sociale të punëtorëve shëndetësor, respektivisht miratimi në Parlament i Projektligjit për Paga në sektorin publik dhe fillimi i implementimit të tij nga viti 2022.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Deklarimi i pasurisë: Liburn Aliu ka blerë dy banesa në “Marigona Hill”
-
Ministri i Jashtëm iranian pro uljes së tensioneve në Lindjen e Mesme
-
El Niño drejt fundit: a do të jetë më pak nxehtë? – Shkencëtarët: Po, por vera e ardhshme do të jetë ende përvëluese
-
‘Dorëzohet’ gjyshja, dorëzon pas një jave 3-vjeçarin në Durrës
Lajmet kryesore
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
-
Kryediplomati grek: Greqia do të abstenojë për anëtarësimin e Kosovës në KiE
-
Izraeli, palestinezët dhe sauditët – Rreziku diplomatik i Biden për të riparuar Lindjen e Mesme
-
Pse Kurti nuk mori pjesë në tubimin e “VLEN-it” në Gjermani?