Këshilli i Lartë i Prokurorisë (KLP), në vijim të procesit të vlerësimit të kandidatëve për prokuror në Prokurorinë e Posaçme (SPAK) ka zhvilluar intervistat me kandidatët.
KLP-ja vendosi emërimin e dy prokurorëve Adnan Xholi dhe Dorina Bejko në SPAK.
Shpallja për vakancat u bë më 18 maj 2021.
Pas verifikimit të plotësimit të kushteve ligjore nga ana e Komisionit të Posaçëm për ngritjen në detyrë si prokurorë në SPAK, Këshilli miratoi listën e kandidatëve që plotësojnë kushtet ligjore.
SPAK tashmë do të ketë 15 prokurorë.
Si funksionon SPAK-u?
Kjo strukturë, së bashku me Gjykatën e Posaçme Kundër Korrupsionit dhe Krimit të Organizuar, të njohur edhe si Gjykata Speciale, ka si qëllim hetimin dhe gjykimin e të gjitha veprave penale për korrupsion ndaj ish-pushtetarëve dhe atyre aktualë.
Prokuroria e Posaçme kundër Korrupsionit dhe Krimit të Organizuar, si organi përgjegjës për hetimin dhe ndjekjen penale në fushën e korrupsionit dhe krimit të organizuar, përfaqëson akuzën përpara gjykatave të posaçme.
Kjo Prokurori drejton dhe kontrollon Hetuesit dhe shërbimet e Policisë Gjyqësore të Byrosë Kombëtare të Hetimit.
Prokurorët e saj zgjidhen për një mandat nëntëvjeçar pa të drejtë riemërimi.
Hetuesi emërohet në detyrë, për jo më pak se shtatë vjet, dhe gëzon statusin e oficerit të Policisë Gjyqësore.
Ndërkohë Byroja Kombëtare është e përbërë edhe nga shërbimet e Policisë Gjyqësore, që kanë për qëllim rritjen e bashkëpunimit dhe komunikimit midis Byrosë dhe institucioneve të tjera.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Rama: Reportazhi i Rai-t është bërë për të sulmuar Melonin duke përdorur shëmtuar Shqipërinë dhe Agaçin
-
Ranucci: Rama dhe Agaçi refuzuan intervistat, dokumentet tona janë gjyqësore
-
PD kërkoi shfuqizimin e ligjit mbi administrimin e Butrintit, Kushtetuesja rrëzon kërkesën
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova