Së shpejti do të mund të shohim skandalin e shumëpërfolur seksual Clinton-Lewinsky në një serial.
Kanë kaluar më shumë se 23 vite nga skandali seksual, që përfshiu ish-presidentin amerikan, Bill Clinton me ish-praktikanten e Shtëpisë së Bardhë, Monica Lewinsky.
Bill Clinton u bë i pari president pas 100 vitesh, për të cilin Kongresi Amerikan e vuri në aktakuzë, duke kërkuar hetimin e plotë për të gjithë ngjarjen.
Duket se i gjithë ky skandal shumë shpejt do të publikohet në formën e një seriali televiziv. Seriali do të publikohet në muajin shtator të këtij viti në “FX” me titullin “Impeachment: American Crime Story” dhe është prodhuar nga vetë Monica Lewinksy, e cila u gjet në epiqendrën e vorbullës së skandalit seksual.
Frymëzuar nga pjesa e shkruar nga Jeffrey Toobin “A vast conspiraty”, seriali do të jetë kapitulli i tretë i serive “American Crime Story”, ku dy sezonet e para i janë kushtuar historisë së O. J. Simson dhe vrasjes së stilistit italian Gianni Versace.
Në rolin e Levinskit do të jetë aktorja dhe këngëtarja Beanie Feldstein, ndërsa aktrori Clive Owen do të interpretojë ish-presidentin Clinton.
Në role të tjera do të jenë Edi Falco si Hillary Clinton dhe Sara Paulson si Linda Tripp.
Vitet e fundit Monica Lewinskyn e kemi parë si shkrimtare, aktiviste dhe, së fundmi, si producente e një kompanie produksioni të quajtur “Alt Ending”.
Në vitin 2014, Monica Lewinsky jep një intervistë të gjatë për revistën “Vanity Fair”, ku shpreh të gjitha opinionet dhe analizon situatën e krijuar në vitin 1998, kur përfundoi në qendër të uraganit mediatik, duke i shkaktuar trauma për sa i përket gjendjes emocionale dhe shpirtërore.
Një vit më vonë, Monica u shfaq me dokumentarin “Çmimi i turpit”, të cilin e ndoqën mbi 20 milionë spektatorë.
Nga ajo kohë, të gjitha fushatat e saj me qëllim sensibilizimi kundër bullzimit virtual apo çdolloj forme ngacmimi apo intimidimi online, janë përgëzuar dhe përkrahur nga mediat e ndryshme.
Vitin e kaluar, Clinton u shpreh në dokumentarin e quajtur “Hillary” për arsyen e tradhtisë ndaj bashkëshortes së tij.
Ai pranoi se kjo ishte një ndër ato gjëra, të cilat ai e bëri për të menaxhuar ankthin si drejtues i shtetit.
“Jeta në Shtëpinë e Bardhë më dukej si një ndeshje boksi, ku duhet të merrja pjesë çdo ditë. Lodhja, ankthi dhe stresi më çonin drejt zgjedhjeve të gabuara”, tha Clinton.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nëna e Beyonce thotë se “Zendaya ia kujton të bijën”
-
“Under the Bridge”, seriali që lundron në ujërat e njohura të krimit të vërtetë të adoleshentëve të trazuar
-
Pamela Anderson merr rolin kryesor në rifillimin e “The Naked Gun” – 30 vjet pas përfundimit të ekskluzivitetit ikonik me Leslie Nielsen
-
Riley Keough shuan çdo shpresë për një sezon të dytë të “Daisy Jones & the Six”
Lajmet kryesore
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
-
Kryediplomati grek: Greqia do të abstenojë për anëtarësimin e Kosovës në KiE
-
Lufta e Ukrainës: Kongresi amerikan është afër miratimit të ndihmës së shumëpritur
-
O’Brien: Do bëjmë gjithçka që të themelohet Asociacioni, Kosova ka premtuar