Sistemi i raketave Patriot ‘dëmtohet’ në Ukrainë

Washington-i zyrtar po vlerësonte dëmtimin e mundshëm të një sistemi të mbrojtjes ajrore Patriot të pësuar gjatë një sulmi raketor rus në Kiev në mëngjes herët të martën, sipas një zyrtari amerikan.

Lajmi u bë i ditur nga gazeta amerikane “Wall Street Journal” dhe multimediali “CNN”.

Zyrtari amerikan deklaroi se sistemi Patriot mbeti funksional, por nuk pranoi të jepte detaje të mëtejshme.

Kiev-i mori sistemet Patriot të prodhuara nga SHBA-të në prill, duke e lejuar atë të luftojë raketat hipersonike të Rusisë.

Çdo dëmtim që e detyroi sistemin jashtë linje do ta linte Kiev-in të prekshëm ndaj sulmeve ajrore në rritje të Rusisë.

Zyrtarët ukrainas thanë se 18 raketa ruse u rrëzuan rreth kryeqytetit herët të martën dhe vlerësuan partnerët perëndimorë për furnizimin me armë të avancuara që ndihmuan në zbutjen e sulmit.

Zëdhënësi i Këshillit të Sigurisë Kombëtare të Shtëpisë së Bardhë, John Kirby, tha se ai nuk mund të konfirmonte raportet se një sistem Patriot ishte dëmtuar, por tha se armët e furnizuara nga SHBA-të shpesh janë dëmtuar gjatë luftimeve ose janë konsumuar.

“Nëse do të kishte dëme në një sistem Patriot që duhej të riparohej jashtë Ukrainës, ne me siguri do të ndihmonim me këtë”, u tha Kirby gazetarëve.

Më herët gjatë ditës, Ministria e Mbrojtjes e Rusisë tha se breshëria e saj me raketa kishte goditur një sistem Patriot.

Ukraina nuk e komentoi pretendimin, por tha se të gjitha raketat e lëshuara në Kiev ishin rrëzuar, duke përfshirë gjashtë raketa balistike Kinzhal.

“Një tjetër sukses i pabesueshëm për Forcat Ajrore të Ukrainës!”, Oleksiy Reznikov, ministri i mbrojtjes i Ukrainës, shkroi në Twitter. “Terroristët rusë nuk kanë asnjë shans të mbizotërojnë mbi Ukrainën. Armët e tyre mund dhe duhet të kundërshtohen nga ato perëndimore”.

Ai falënderoi gjithashtu “shtetet partnere, të cilët investuan në sigurimin e qiellit mbi Ukrainë”.

Deri kohët e fundit, zyrtarët thanë se forcat ukrainase nuk kishin asnjë mënyrë për të rrëzuar Kinzhal’s, të cilat mund të udhëtojnë me më shumë se pesë herë shpejtësinë e zërit.

Zhurmat e zjarrit dhe shpërthimeve u bënë jehonë në qendër të Kievit herët të martën, duke tronditur apartamentet dhe duke zgjuar shumë banorë.

Videot e postuara në internet treguan një breshëri raketash të lëshuara në qiell dhe disa shpërthime mbi qytet.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.