Ministri i Punëve të Brendshme, Xhelal Sveçla, ka thënë se simboli Z (shenje identifikuese e rusëve gjatë agresionit të tyre në Ukrainë), dhe bluzat me simbolin “Wagner”, (grupi mercenarë rus), janë dëshmi e sulmeve të kriminelëve në Veri të Kosovës, pas situatës së krijuar atje, ku protestuesit e dhunshëm serbë kanë sulmuar Policinë e Kosovës, gazetarët, dhe po ashtu edhe trupat paqeruajtëse të KFOR-it.
Përmes një cicërime në “Twitter”, Sveçla ka theksuar se “simboli Z, bluzat me simbolin Wagner, kryqi me 4S janë dëshmi e origjinës së sulmeve nga kriminelët”.
“Organizuar nga Serbia, frymëzuar nga Rusia”, shkroi ai në Twitter, duke shtuar se “idhulli i tyre është” ish-presidenti fashist serb, Sllobodan Millosheviç, dhe se “modeli i tyre” është presidenti i Federatës Ruse, Vladimir Putin.
“Përpjekjet për të destabilizuar vendin tonë nuk do të kalojnë. Serbia dhe Rusia nuk do të kalojnë”, ka nënvizuar ai.
Z symbol, t-shirts w/Wagner symbol, the cross w/4S are proof of the origin of the attacks by criminals. Organized by Serbia, inspired by Russia. Their idol is Milosevic, their model Putin. Attempts to destabilize our country shall not pass. Serbia & Russia will not pass. pic.twitter.com/S3BJ5yy9k8
— Xhelal Sveçla (@XSvecla) June 3, 2023
Ndryshe, në tensionet e krijuara në Veri të Kosovës, ka pasur persona të maskuara dhe me precedentë kriminal – një pjesë e tyre nuk ishin as qytetarë të Kosovës – të cilët kanë ushtruar dhunë ndaj Policisë së Kosovës, KFOR-it, po ashtu edhe ndaj gazetarëve.
Serbët gjatë protestave të tyre janë parë duke vizatuar nëpër automjete të policisë së Kosovës, dhe ato të KFOR-it simbolin Z, që identifikon rusët në agresionin e tyre në Ukrainë, gjithashtu kanë vizituar edhe shenjën shoviniste serbe me katër S, njashtu kanë proklamuar emrin e grupit të mercenarëve rusë Wagner, të cilët janë në shërbim të presidentit të Rusisë, Vladimir Putin.
Situata në Veri të Kosovës u tensionua pasi që kryetarët e zgjedhur në zgjedhjet e 23 prillit, Qeveria mori vendim që Policia t’i asistoi për t’i future në zyrat e tyre, çka shkaktoi reagimin e ashpër të serbëve lokalë, të cilët ishin tejet të dhunshëm në kundërshtimet e tyre.
Policia e Kosovës u detyrua që të përdorë gaz lotsjellës dhe shok bomba për t’i shpërndarë protestuesit e dhunshëm serbë.
Situatë më e tensionuar ishte të hënën, ku protestuesit e dhunshëm serbë u përleshën me ushtarët paqeruajtës të misionit të NATO-s në Kosovë, KFOR. Nga sulmet e dhunshme të serbëve mbetën të lënduar 41 ushtarë, pjesa më e madhe e të cilëve ishte italianë dhe hungarezë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë