Para se të blini një aromë të lirë të stilistit, duhet të jeni të vetëdijshëm se mund të jetë një produkt i rremë që përmban kimikate të cilat mund të jenë të dëmshme për shëndetin tuaj.
Sipas revistës “Harper’s Bazaar”, këto janë gjërat që duhet të keni parasysh përpara se të blini parfume:
Nëse duket shumë e mirë për të qenë e vërtetë, ndoshta është. Nëse një aromë e stilistit duket shumë e lirë, ka të ngjarë të jetë e rreme.
Kujdes nga njerëzit që pretendojnë se po rishesin parfumin, veçanërisht në internet. Ata mund të thonë se e kanë marrë parfumin si dhuratë dhe nuk e duan atë. Ata mund të kërkojnë një viktimë të lehtë, duke shpresuar t’i shesin një të falsifikuar dikujt që nuk është i njohur me parfumin e vërtetë.
Nëse nuk jeni të njohur me parfumin e stilistit që po planifikoni të blini, shkoni në një dyqan dhe ekzaminojeni fillimisht. Kontrolloni formën dhe ngjyrën e produktit përpara se ta porosisni nga Interneti, në mënyrë që të mund ta krahasoni me produktin që po mendoni ta blini.
Këtu janë këshilla se si mund të dalloni një parfum të rremë:
Kontrolloni me kujdes mbështjellësin. Në një parfum të përgatitur mirë, mbështjellësi është i vendosur ngushtë rreth kutisë. Shumica e produkteve të falsifikuara nuk e kanë mbështjellësin aq të fort. Nëse letra mbështjellëse është e çrregullt ose lëviz rreth kutisë, kjo është një shenjë e sigurt se parfumi është fals.
Shikoni për ngjitës të tepërt. Nëse ka shumë shirit ose ngjitës brenda kutisë së parfumit ose në pjesën e jashtme të paketimit, parfumi ndoshta është një mashtrim.
Shikoni me kujdes kutinë. Nëse kutia e parfumit është bërë nga material shumë i hollë, produkti ka shumë të ngjarë të jetë fals. Çdo prodhues i cilësisë së lartë të bukurisë do të përdorë karton me cilësi të lartë kur ata krijojnë një kuti kartoni për produktin e tyre. Paketimi i hollë sinjalizon një falsifikim.
Lexoni printimin. Shikoni për një emër të pabarabartë të markës ose ndonjë gabim drejtshkrimor në paketim.
Ekzaminoni barkodet. Barkodet duhet të jenë në fund të kutisë së parfumit. Nëse shihni se janë në anën e kutisë, duhet të dyshoni.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
