Një rezolutë kundrejt provokimeve ushtarake të Koresë së Veriut është bërë “molla e sherrit” e radhës në Këshillin e Sigurimit të OKB-së, ku pala shqiptare (anëtare jo e përhershme në KS), ka shprehur indinjatën mbi veton kundër, të vendosur nga Rusia dhe Kina.
“Kur ndodhka që dy vota rrëzojnë 13?”, ka shtruar pyetjen ambasadori shqiptar në Organizatën e Kombeve të Bashkuara, Ferit Hoxha, nëpërmjet një postimi në Twitter ku ka reflektuar edhe mbi rezolutën.
When does it happen that 2 overules 13?
At the #UNSC, when it is taken hostage, blocked by the use of a veto, as it hapened yesterday, unfortunately. China & Russia vetoed a resolution which condemned the continued provocations, #militarization & #proliferation policy of #DPRK. https://t.co/96AqYEeLv2— Ferit Hoxha🇦🇱 (@HoxhaFer) May 27, 2022
Sipas Hoxhës, organi i lartë i OKB-së është marrë peng nga dy vende, pasi kanë përdorur fuqinë e vetos së tyre sërish në këtë organizëm, i cili pritet të jetë në unison dhe i paanshëm në vendime.
“Kina dhe Rusia kanë vendosur veton mbi një rezolutë, e cila dënon provokimet e vazhdueshme ushtarake të politikave të Koresë së Veriut”, ka shpjeguar ai.
Mbi këtë rezolutë, Shqipëria ka votuar pro, nën argumentimin se Koreja e Veriut duhet t’i vërë fre këtyre provokimeve ushtarake që ka ndërmarrë në gadishullin korean.
Një prej shtojcave, thekson gjithashtu se çdo veto e vendosur kundër kësaj rezolute, është një mbështetje direkte e regjimit të Kim Jong Un dhe veprimi të tija të papërshtatshme.
Teknikalitete si ajo e vetos, kanë qenë shumë të argumentuara gjatë e prej kohësh në organizata të tilla si OKB-ja, NATO apo Bashkimi Evropian.
Këta të fundit, po shohin një episod të ngjashëm me Bullgarinë, e cila veton e ka vendosur ndaj Maqedonisë së Veriut dhe po mban të bllokuar edhe Shqipërinë për hapjen e negociatave me unionin.
Nga ana tjetër, edhe vetë NATO po rrezikohet nga një veto e mundshme që Turqia mund të vendosë kundrejt aderimit të Finlandës dhe Suedisë në aleancë.
Këto organe po shohin edhe mundësinë e ndërrimit të politikave sa i përket imponimit nga një vend i vetëm kundrejt vullnetit të shumicës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Begaj e dekretoi sot – opozita do ta çojë në Kushtetuese ligjin për ‘Zonat e Mbrojtura’
-
42-vjeçarja hodhi foshnjën e porsalindur në lumin e Tapizës, bashkëshorti: S’e dija që ishte shtatzënë
-
E rëndë në Tapizë: Nëna fut në qese foshnjën e porsalindur, e hedh në bregun e lumit
-
Gjykata e Lartë zbardh vendimin e plotë për çështjen e vulës së PD-së
Lajmet kryesore
-
Begaj e dekretoi sot – opozita do ta çojë në Kushtetuese ligjin për ‘Zonat e Mbrojtura’
-
Propozohen çmimet e reja të energjisë për furrat e bukës, Balluku: Kemi gjetur dakordësinë me shoqatën
-
Është e pamundur vendosja e një garancie financiare prej 454 milionë dollarësh, thonë avokatët e Trump
-
Konjufca me kritika për Escobarin: Po e shtynë konceptin Lajçakut, i cili është shumë i njëanshëm