Shqiptari që çoi në këmbë Vatikanin ishte figurë e njohur për Policinë – Në media sociale postonte lutje
Erjol Nako, 39 vjeç, shqiptari që çau postbllokun e Policisë pranë Vatikanit ditën e djeshme ka një histori lëndimesh, droge dhe abuzimi në familje.
Sipas mediave vendase, Nako ishte nën efektin e drogës ndërkohë që bënte manovra të rrezikshme në rrugët e Romës. Ai momentalisht po ruhet në spital nga ekipet Uopi, të krijuara nga policia pas sulmeve në Paris, Nice dhe Berlin
Si për ironi, në faqen e tij në Facebook është një imazh engjëlli, i cili konsiderohet si mbrojtësi i policëve. Dhe, ishin ata që e terhoqën atë nga kabina e BMW-së gri që po ngiste.
Në mediat italiane shkruhet se 39-vjeçari shqiptar, Erjol Nako, nuk ishte emër i panjohur për policinë atje, pasi ai kishte histori droge, lëndimesh dhe abuzime në familje.
Për fajin e tij, alarmi kundër terrorizmit ra në të gjithë zonën e Vatikanit.
Në një moment Nako, në gjendje konfuze, nën efektin e drogës, ka hedhur celularin, madje edhe portofolin me dokumente personale nga makina, si një përpjekje për t’u mos identifikuar.
Ajo që e shtyu atë të bëntë këtë çmenduri në Vatikan është ende mister.
Gjithashtu në rrjetet sociale të tij nuk mungojnë referenca për lutje dhe muzikën e shenjtë, si dhe për Romën, por për momentin nuk ka elemente që të mund të thuhet se ai donte të kryente një sulm të pamatur.
Deri tani, autoritetet italiane nuk kanë gjetur asnjë lidhje të 39-vjeçarit me qarqet ekstremiste në të shkuarën e tij.
Si ndodhi ngjarja
Gjatë kohës kur policia pikasi shqiptarin, efektivët karabinierë i janë vënë pas dhe kanë arritur ta kapin në ritëm automjetin tip BMW që drejtonte.
Mirëpo, shqiptari, nuk i është bindur urdhrit për t’u ndalur.
Gjatë rrugës madje, ai ka përfituar nga rasti që të hedhë nga dritarja një portofol dhe një orë.
Më pas, një makinë tjetër policie është vendosur në mes të rrugës për ta bllokuar avancimin e shqiptarit më tej. Një e shtënë është dëgjuar më pas në Romë, pas përpjekjeve të efektivëve për t’i çarë një nga gomat, në mënyrë që automjeti të ndalonte.
Vetëm në këtë çast, shqiptari ka goditur mjetin e Policisë të vendosur kryq në rrugë, duke bërë që edhe makina të fikej e ai të kapej.
Në bordin e makinës, e sekuestruar dhe analizuar nga policia shkencore dhe karabinierët, nuk u gjetën armë apo objekte sulmuese. Nako fillimisht u dërgua në zyrat e komisariatit të Borgos dhe më pas në spital. Dy policë, të cilët mbetën të plagosur gjatë përplasjejes, u trajtuan dhe më pas u liruan.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani: Bëjmë koncesione prapë, por ta dimë çka përfitojmë
-
Meta për Dumanin: Nuk i druhem arrestimit nga një prokuror që është kthyer në zëdhënës politik
-
Rrëzuan kërkesën e opozitës për thirrjen urgjente të mbledhjes, Këshilli Bashkiak i Tiranës: Nuk kishin firmat e nevojshme
-
Osmani: Dërgimi i draft-statutit të Asociacionit në Kushtetuese është detyrë e Qeverisë
Lajmet kryesore
-
Osmani: Dërgimi i draft-statutit të Asociacionit në Kushtetuese është detyrë e Qeverisë
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Ku mund ta zhvendosë Hamasi degën e tij politike?
-
Shpërblehet përsëri “Apetit SH.P.K”, Komuna e Podujevës i jep tenderë për furnizim me mëshqerra