Numri i shtetasve jo të Bashkimit Evropian që shkojnë në Gjermani për të punuar për një periudhë të kufizuar kohore është rritur ndjeshëm vitet e fundit.
Kështu ka bërë me dije Zyra Federale e Statistikave të Gjermanisë, Destatis.
Në fund të vitit 2021, në Regjistrin Qendror të të Huajve u regjistruan më shumë se 295 mijë persona që mbanin një leje qëndrimi të përkohshme për qëllime punësimi.
Çka nënkupton se numri i punëtorëve të huaj nga vendet jashtë BE-së është trefishuar në dhjetë vitet e fundit.
Në këtë rritje përfshihen edhe mbërritjet e shqiptarëve në Gjermani që kanë preferuar të punojnë atje për një periudhë të kufizuar kohore.
Referuar të dhënave, numërohen 13 mijë e 800 punëtorë shqiptarë që kanë shkuar atje në fund të viti 2021 për të punuar.
Për sa i përket përqindjeve, sipas Destatis, numri i punëtorëve jashtë BE-së në Gjermani në fund të vitit 2021 regjistroi një rritje prej 226 për qind në krahasim me vitin 2011.
Në fund të vitit 2011, vetëm rreth 90 mijë e 500 punëtorë jashtë BE-së kishin një vendbanim të tillë.
Më tej, të dhënat tregojnë se në fund të vitit 2021, 225 mijë e 500 persona nga vendet jo-anëtare të BE-së punonin në Gjermani pa karton blu dhe 69 mijë e 900 prej tyre punonin me karton blu.
Destatis ka zbuluar gjithashtu se India ishte vendi kryesor i origjinës, me 33 mijë e 900 shtetas indianë që shkonin në Gjermani për qëllime pune.
India pasohet nga Bosnja dhe Hercegovina me 26 mijë e 300 punëtorë, Kosova me 19 mijë e 600 punëtorë, Serbia me 17 mijë e 400 punëtorë dhe Kina me 16 mijë e 700 punëtorë.
Sakaq, SHBA-të me 16 mijë e 500 punëtorë, Shqipëria me 13 mijë e 800 punëtorë, Maqedonia e Veriut me 13 mijë e 500 punëtorë, Turqia me 10 mijë e 700 dhe Rusia me 9 mijë e 400 punëtorë.
Po ashtu është rritur edhe imigrimi i fuqisë punëtore nga vendet e BE-së.
Destatis ka treguar se vendet më të shpeshta të origjinës së BE-së ishin Polonia, Rumania, Italia, Kroacia, Bullgaria, Greqia, Hungaria, Austria, Spanja dhe Franca.
Më parë është raportuar se Gjermania planifikon ta bëjë më të lehtë për emigrantët e aftë të marrin punë të disponueshme.
Autoritetet e vendit kanë njoftuar se po shqyrtojnë lehtësimin e disa rregullave pasi vendi duhet të plotësojë një numër të madh vendesh të lira.
Është vlerësuar se për të plotësuar deficitin e vendeve të punës, Gjermania duhet të punësojë më shumë se një milion njerëz pasi aktualisht ka 1.7 milionë vende të lira pune.
Numri më i madh i punëtorëve nevojitet në industrinë e udhëtimeve ajrore dhe mikpritjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Akuzat e Metës ndaj SPAK, Basha: Nuk është sjellje normale, Prokuroria ka trazuar ujërat e kastës 34-vjeçare të politikës
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Manja prezanton pr/ligjin: Lehtësohet procedura e cerfikimit për “Përkthyesit zyrtar”
-
Marrëveshja për Kolegjin e Evropës, Manastirliu në Kuvend: Ngjarje historike për arsimin e lartë shqiptar