Kreu i Partisë “Reformimi Britanik”, Richard Tice deklaroi se shqiptarët që bëjnë rrugëtimin e gjatë nëpër Evropë deri në brigjet franceze nuk vrapojnë për jetën e tyre. Ata kanë agjenda të tjera.
Lajmi u bë i ditur nga botimi “Mail on Sunday”, duke cituar reagimin e politikanit britanik.
Sipas tij, gjatë gjithë kësaj kohe, një ushtri politikanësh, avokatësh dhe dashamirësish të së majtës kanë përsëritur se shumica dërrmuese e njerëzve që bëjnë kësi udhëtimesh të rrezikshme po ikin në mënyrë të dëshpëruar nga lufta, persekutimi dhe terrori.
Kjo, shtoi Tice, është një narrativë që i përshtatet qeverisë, duke luajtur me bujarinë dhe dhembshurinë e popullit britanik.
“E vërteta e pakëndshme? Pothuajse 40 për qind vijnë nga Shqipëria. Po, 13 për qind vijnë nga Afganistani dhe 6 për qind nga Siria”, theksoi politikani britanik.
Tice i adresohet qeverisë britanike duke e pyetur se pse e ka fshehur këtë informacion.
“Nëse këta njerëz nuk po ikin me të vërtetë për të shpëtuar jetën e tyre, atëherë nuk i takon taksapaguesve britanikë t’i mbështesë ata”, vijon kreu i “Reform UK”.
Shqipëria, nënvizoi Tice, nuk është vend luksi. Ai tregon se shumë banorë jetojnë nën kufirin e varfërisë dhe korrupsioni është i përhapur.
Por megjithatë, është një vend i qetë me një ekonomi në rritje të shpejtë.
“Ajo është gjithashtu anëtare e NATO-s dhe po aplikon për t’u bashkuar me BE-në”, ravijëzon politikani.
Tice e lidh situatën me përhapjen e “bandave kriminale shqiptare”, të cilat janë ndër më të mëdhatë dhe më të njohurat në Britaninë e Madhe, sipas tij.
Madje, kreu i “Reform UK” kërkon nga autoritetet që të publikojnë vendin e origjinës së emigrantëve çdo muaj në mënyrë që askush të mos ketë iluzione.
“Ne duhet të ndajmë menjëherë informacionin për pikat e nisjes me policinë franceze dhe ato të dhëna gjithashtu duhet të publikohen”, deklaroi ai në përmbyllje.
Britani: Katër në dhjetë emigrantë që kalojnë Kanalin janë shqiptarë
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Shkarkohet nga detyra Agron Zhukri, gjyqtari që i dha PD-në Berishës
-
Protestë para Bashkisë Tiranë/ Qytetarët hedhin molotovë e tymuese
-
Hipoteza e tradhtisë së brendshme ose një sulmi simbolik: Çfarë dihet për sulmin në Iran
-
Kurti në 11 vjetorin e marrëveshjes Kosovë-Serbi thotë se dakordimi i tij me Vuçiç-in adreson gjetjet e Kushtetueses për Asociacionin