Aeroporti Ndërkombëtar “Nënë Tereza”, përmes një publikimi në faqen zyrtare, ka njoftuar për rregullat që duhet të dinë qytetarët që hyjnë në Shqipëri.
Sipas njoftimit, duke filluar nga data 6 shtator, qytetarët, të cilët hyjnë në Shqipëri, duhet të plotësojnë një nga tre kushtet e vendosura.
Një nga kushtet është pasja e një pasaporte vaksinimi, ku nga data e vaksinimit të plotë të kenë të paktën dy javë.
Gjithashtu, është i nevojshëm testi PCR negativ brenda 72 orëve ose testi i shpejtë i antigenit brenda 48 orëve.
Kushti i tretë që duhet të plotësohet në mungesë të dy të parëve, është posedimi i provës së kalimit të infeksionit Sars-Cov2, të vlefshme deri në 6 muaj pas shërimit.
Gjithashtu, këto rregulla janë të vlefshme edhe për ata qytetarë, të cilët kalojnë tranzit në Shqipëri.
Të përjashtuar nga rregullat janë fëmijët deri në 6 vjeç.
Qytetarët shqiptarë rezidentë në Shqipëri, të cilët kthehen dhe nuk kanë një nga dokumentat e sipërcituara, duhet të vetëizolohen për 10 ditë dhe të informojnë autoritetin shëndetësor për të kryer një test në fund të periudhës së izolimit.
Në ndërtesen e aeroportit do të lejohen të hyjnë vetëm pasagjerët që udhëtojnë, duke shmangur shoqërimin nga familjarë të tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë
