Bilancet ditore të të infektuarve dhe atyre që humbin jetën nga Covid-19 vazhdojnë të jenë të larta. Mesatarja e infektimeve ditore në Shqipëri qëndron mbi shifrën një mijë.
Të martën, Ministria e Shëndetësisë dhe Mbrojtjes Sociale (MSHMS) njoftoi për 1 mijë e 21 qytetarë të infektuar dhe 15 të vdekur, brenda 24 orëve.
“Situata në spitale është jashtëzakonisht shqetësuese”, thotë Erion Dasho, drejtor i Shëndetit dhe Inovacionit në Frankfurt të Gjermanisë, derisa nënvizon se serioziteti i gjendjes “pasqyrohet në vdekshmërinë e lartë, në përgjithësi”.
Në spitalet e vendit janë 650 pacientë që po trajtohen për komplikime si pasojë e infektimit me Covid-19, por më shqetësuese për Dashon është fakti që njerëzit qëndrojnë në shtëpi dhe nuk marrin trajtimin mjekësor në spital.
“Kjo vjen nga mungesa e besimit, për cilësinë e trajtimit që marrin. Situatën e tanishme në Shqipëri e krahasoj me Wuhan-in dhe Lombardi-në e para një viti”, thekson ai, për Albanian Post.
Problematikë tjetër paraqitet të jenë kapacitetet e spitaleve, të cilat janë duke arritur limitin. Madje, edhe ato të kujdesit terciar(spitalet universitare).
Ngarkimi i sistemit të referimit, sipas profesorit Erion Dasho, ndodh atëherë kur një nivel nuk është në gjendje t’i plotësojë nevojat shëndetësore. “Në rastin e Shqipërisë, këto nivele janë drejt plotësimit”.
“Një element tepër i rëndësishëm”, shton Dasho, “është vdekshmëria reanimatore apo vdekshmëria e personave të intubuar që ka krijuar paragjykim dhe frikë ndaj spitalit”.
Lidhur me masat mbrojtëse dhe kufizimet e tjera që mund t’i aplikojë shteti, ai thekson që “fashat orare dhe mbajtja e maskës në publik nuk kanë dhënë efektin e pritshëm”.
“Jemi i vetmi vend ku nuk shihet tendencë e uljes së shifrave por ato sa vijnë e shtohen, kjo tregon që as fasha orare dhe as maska nuk funksionuan”, nënvizon profesori.
“Duhet të ishin marrë masa sipas parimit testo-gjurmo-trajto në mendimin tim. Në këtë kontekst mund të promovohej më tej dhe parimi tjetër distancim-higjenë-maskë”.
Në Shqipëri, ndryshe nga vendet e tjera të Evropës, e ngjashme vetëm me Ballkanin Perëndimor, u aplikua maska dhe distancimi fizik. Ky ishte kombinimi i vetëm për të parandaluar përhapjen pa shkuar në kushtet e një mbyllje të dytë.
Kujtojmë se kufizimet me fasha orare erdhën si përpjekje për të mos lejuar grumbullimet në orët e vona të mbrëmjes nga rinia nëpër bare, lokale apo restorante.
Masë tjetër është vaksinimi, nëpërmes të cilës “synohet përmirësimi i jetës dhe i shëndetit të qytetarëve”.
“Unë mendoj se me zbatimin e fushatave të vaksinimit ne do të kemi një kthim në normalitet. Përvoja botërore ka treguar se shumë sëmundje kur vaksinimi ka qënë i efektshëm, kanë shkuar drejt një zgjidhjeje”, shpjegon profesor Dasho.
“Besoj se e njëjta gjë do ndodhë edhe me COVID-19. Fushatat e vaksinimit do ta kthejnë situatën në normalitet. Shpresoj që maska të jetë një kujtim i largët për të gjithë ne”, përfundon ai.
Kujtojmë se Shqipëria është në vendin e dhjetë për numrin më të lartë të rasteve për banorë, nga të dhënat e incidencës në Evropë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zbatimi i hartës së re gjyqësore, Manja pret në zyrë kryeprokurorin Çela dhe Llagamin
-
Olsi Rama hedh poshtë akuzat e Bardhit për lidhjet me drogën: Vijnë nga një i paburrë
-
GJKKO i caktoi arrest në burg, Qato: Kam zbatuar ligjin, i keqardhur që SPAK ka rënë pre e presionit politik
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë