Bashkëthemeluesi i medias sociale Twitter, Jack Dorsey, ka shitur postimin e tij të parë për 2.9 milionë dollarë, në formën e një aseti unik digjital.
Postimi u shit të hënën si një token non-fungible (NFT), që është një lloj certifikate digjitale që ka marrë shumë popullaritet këtë vit. NFT-ja është një vulë digjitale që konfirmon nëse një artikull është unik dhe i vërtetë.
Çdo NFT ka firmën e vet digjitale, e cila shërben si libër publik që lejon këdo të verifikojë vërtetësinë dhe pronësinë e asetit.
Tokenët mund t’i bashkëngjiten artit digjital ose pothuajse çdo gjëje tjetër që vjen në formë digjitale si: skedarë audio, videoklipe ose afishe të animuara.
NFT-të, kohët e fundit, kanë marrë vëmendje të madhe në internet, pasi po përdoren për të zgjidhur një problem themelor te koleksionistët digjitalë: vërtetësinë e pronësisë për diçka që mund të kopjohet lehtë dhe pafundësisht.
Një vepër digjitale arti, nga artisti Beeple, u shit për më shumë se 69.3 milionë dollarë në një ankand online. NFT-ja shërbeu si një garanci për vërtetësinë e saj.
Postimi i Dorsey: “duke bërë gati twttr tim”, i bërë më 21 mars 2006, ishte i pari postim i bërë në Twitter.
NFT-ja u shit në ankand në një platformë të quajtur Cent. Ajo u ble duke përdorur kriptovalutën Ethereum (ETH), për rreth 1 mijë e 631 ETH, e cila, në kohën e shitjes kishte vlerën e rreth 2 milionë e 915 mijë e 835 dollarë, konfirmoi drejtori ekzekutiv i Cent, Cameron Hejazi.
Zyrtarë të kompanisë Cent konfirmuan se blerësi është Sina Estavi. Ky i fundit është i vendosur në Malajzi dhe është drejtori i kompanisë së kriptovalutave, Bridge Oracle.
Kur Estavi u pyet për koment në lidhje me blerjen, ai i tha agjencisë së lajmeve, Reuters, se ishte “mirënjohës”.
Shitja
Më 6 mars, Dorsey, i cili është një entuziast i Bitcoin, postoi në Twitter linkun e faqes së internetit ku ishte shënuar NFT-ja për shitje. Tri ditë më vonë, ai premtoi se të ardhurat nga ankandi do t’i konvertonte në Bitcoin dhe do t’i dhuronte ato te njerëzit e prekur nga COVID-19 në Afrikë.
Sipas marrëveshjes, Dorsey merr 95% të të ardhurave nga shitja e NFT-së, ndërsa kompania Cent merr 5%.
Dorsey postoi në Twitter marrjen e Bitcoin-ëve, të hënën pasdite, dhe tha se fondet u dërguan për bamirësi në fondacionin afrikan, GiveDirectly.
Sent to @GiveDirectly Africa fund 🌍Thank you, @sinaEstavi. pic.twitter.com/aEZu07auLV
— jack (@jack) March 22, 2021
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ahmeti vazhdon kundërpërgjigjet ndaj Micksokit: Pak e ka çfarë i kam thënë, si ai i kam dërguar nja 9 në pension
-
Favorizoi djalin e Tom Doshit pas aksidentit, pezullohet shefi i qarkullimit rrugor në Lezhë
-
Dhunimi i 11 vjeçares, 62 vjet burgim për 6 të akuzuarit
-
Protestë në Tel Aviv për 200 ditët e burgimit të pengjeve
Lajmet kryesore
-
Hasani nis vizitën në Kroaci në takim me Plenkoviç, merr mbështetje për integrimin evropian
-
Asllani pas fitimit të titullit: Si tifoz i Interit nuk mund të kërkoj më shumë
-
Antony Blinken kundërshton pretendimet se Amerika po mban “standard të dyfishtë” për Izraelin
-
Goncharenko: Respekt për Kosovën, por ajo s’është çështja kryesore për Ukrainën