Shtëpitë e kreut të grupit Republikan në Senatin amerikan, Mitch McConnell, dhe kryetares së Dhomës së Përfaqësuesve, Nancy Pelosi, u vandalizuan gjatë fundjavës së pushimeve.
Vandalizmi erdhi pasi Kongresi nuk arriti të miratojë një rritje të pagesave që u dërgohen individëve për të ndihmuar në përballimin e pandemisë së koronavirusit.
“Ku janë paratë e mia” dhe “Mitch po vret të varfrit” ishte shkruar në derën dhe dritaren e shtëpisë së zotit McConnell në Louisville të Kentuckyt.
Media lokale raportoi se një kokë derri dhe gjak i rremë ishin lënë para shtëpisë së zonjës Pelosi në San Francisco me 2 janar.
McConnell i quajti mbishkrimet një “zemërim radikal” dhe shtoi se “vandalizmi dhe politika e frikës nuk kanë vend në shoqërinë tonë”.
Paketa e ndihmave prej 900 miliardë dollarësh u miratua në prag të Krishtlindjes, ku Dhoma e Përfaqësuesve e udhëhequr nga Demokratët miratoi një rritje të ndihmës nga 600 në 2 mijë dollarë.
Rritja, e mbështetur nga Presidenti, Donald Trump, u bllokua në Senat nga McConnell./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Raketat Atacms kanë mbërritur tanimë në Kiev, në fshehtësi
-
Lavrov pret nesër në Moskë homologen boliviane Celinda Sosa Lunda
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
BE aktivizon mekanizmin ndaj krizave për ndërhyrjet e huaja në zgjedhjet evropiane
Lajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Osmani pas fitores: Vetëm fillimi i një kapitulli të ri për një të ardhme të ndritur
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
O’Brien i kërkoi “përparim urgjent” për Asociacionin, Kurti s’e përmend askund
