Ish-zyrtari ukrainas, Ihor Kolomoyskyy, është shpallur non grata nga Shtetet e Bashkuara të Amerikës (SHBA), për pretendimin e korrupsionit.
Lajmi është bërë i ditur nga Departamenti i Shtetit të premten.
“Ndërsa ky emërim bazohet në akte gjatë kohës së tij në detyrë, unë gjithashtu dua të shpreh shqetësimin në lidhje me përpjekjet aktuale dhe të vazhdueshme të Kolomoyskyy-it për të minuar proceset demokratike dhe institucionet e Ukrainës, të cilat paraqesin një kërcënim serioz për të ardhmen e saj”, tha Sekretari i Shtetit, Anthony Blinken, në një deklaratë.
Gruaja dhe fëmijët e Kolomoyskyy-it u caktuan gjithashtu si të papërshtatshëm për të hyrë në SHBA.
Departamenti i Drejtësisë në gusht të 2020-ës, e akuzoi atë për vjedhjen e miliarda dollarëve nga një bankë që dikur kishte në pronësi, duke përdorur më pas një sërë ndërmarrjesh për të pastruar ato para në SHBA dhe në të gjithë botën.
Kolomoyskyy, një nga njerëzit më të pasur të Ukrainës, ka lidhje me presidentin ukrainas Volodymyr Zelensky.
Ai e fitoi pasurinë në kapitalizmin e ashpër që rrëmbeu Ukrainën pas rënies së Bashkimit Sovjetik, duke grumbulluar pasuri që përfshijnë linja ajrore dhe institucionet financiare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Gjermania kërkon që Kosova ta dërgojë në Kushtetuese Asociacionin nëse do anëtarësim në KiE
-
Pentagoni, 1 miliard dollarë ndihmë të re ushtarake për Ukrainën
-
Ra në kontakt me energjinë elektrike, humb jetën 45-vjeçari në Ishull-Lezhë
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë