Ambasada e SHBA-ve në Tiranë dhe ambasadori i Bashkimit Evropian, Luigi Soreca, kanë uruar emërimin e 28 hetuesve të rinj të Byrosë Kombëtare të Hetimit (BKH).
Nëpërmjet një postimi në Twitter, përfaqësia e SHBA-ve thekson se individët janë testuar dhe trajnuar për këtë proces.
“Shtetet e Bashkuara janë krenare që mbështesin këta individë, ndërsa ata ndërmarrin fazat e tjera të trajnimit të tyre dhe ndihmojnë për ta çuar përpara reformën në drejtësi”, shkruhet në postim.
Postimi përmbyllet me një urim për aplikantët e rinj.
“Fat të mirë të gjithë atyre që kohët e fundit kanë dorëzuar aplikimet e tyre për të qenë pjesë e grupit të dytë të hetuesve të BKH-së”.
(1/2) Congratulations to the 28 newly appointed NBI investigators! These individuals have been tested & their training journey is well underway. 🇺🇸 is proud to support these individuals as they continue into the next phases of their training & help move justice reform forward. pic.twitter.com/Qh8yYqRFuR
— USEmbassyTirana (@USEmbassyTirana) May 7, 2021
Vetë ambasadorja Yuri Kim, ka vendosur theksin në faktin se Reforma në Drejtësi, nuk ka qenë “e lehtë, e shpejtë apo perfekte”. Gjithsesi, sipas Kim-it, ajo po ecën përpara, hap pas hapi.
“SHBA-të janë me Shqipërinë në çdo hap dhe çdo hap e sjell Shqipërinë më pranë anëtarësimit në BE. SHBA-të do të vazhdojnë të mbështesim fuqimisht implementimin e reformës, në mënyrë që institucionet të funksionojnë me integritet dhe të japin rezultate”.
Justice Reform has not been easy, quick, or perfect, but it’s moving forward, step by step. 🇺🇸 is with 🇦🇱 every step & every step brings 🇦🇱 closer to 🇪🇺 membership. 🇺🇸 will continue to strongly support implementation so that institutions function with integrity & deliver results. https://t.co/kKXM08aHWv
— Ambassador Yuri Kim (@USAmbAlbania) May 7, 2021
Nëpërmjet Twitter-it, ka uruar edhe ambasadori Soreca.
“Urime 28 hetuesve të rinj, të cilët kaluan fazën e rekrutimit dhe trajnimit fillestar”.
Ndër të tjera, ambasadori cilëson se tashmë Prokuroria Speciale (SPAK), mund të mbështetet në punën e këtyre hetuesve të rinj. Së bashku, pritet që SPAK dhe BKH, të luftojnë krimin e organizuar dhe korrupsionin.
“Reforma në drejtësi vazhdon”, përmbyll Soreca.
Congratulations to the 28 NBI investigators appointed today after successfully passing recruitment and initial training. #SPAK(SPO + NBI) can now count on the first group of specialised investigators in its fight against #organisedcrime and #corruption.#Justicereform🇦🇱 continues pic.twitter.com/DK1CfLnKCw
— Luigi Soreca🇪🇺 (@LSorecaEU) May 7, 2021
Të dyja, SPAK-u dhe BKH-ja, kanë qenë investuese të fuqishme në reformën në drejtësi
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Basha poston foto me Kurtin: Energjia te hapi përfundimtar për anëtarësimin e Kosovës në KiE
-
Miratohet nga Komisioni i Senatit kandidatura e David Kostelancik për ambasador të SHBA-ve në Tiranë
-
Një ditë të madhe për Kosovën, e quan Basha vendimin e Asamblesë Parlamentare të KiE-së
-
Rama përgëzon vendimin e Asamblesë Parlamentare të KiE-së: Presim vulosjen e anëtarësimit, Këshillit të Evropës i mungon një gur themeli si Kosova
Lajmet kryesore
-
Asambleja Parlamentare e KiE-së voton pro anëtarësimit të Kosovës
-
Votimi pro Kosovës në Asamblenë Parlamentare në KiE, Kurti: Fiton demokracia dhe të drejtat e njeriut
-
Pas përgjigjes iraniane, Hezbollahu po përgatitet për të gjithë skenarët
-
Miratohet nga Komisioni i Senatit kandidatura e David Kostelancik për ambasador të SHBA-ve në Tiranë
