Ish -supermodelja e modës, aktorja, Sharon Stone, po rrit ndërgjegjësimin mbi rëndësinë e dhurimit të organeve pas vdekjes së nipit të saj të ndjerë, River, organet e të cilit ishin dhuruar duke ndihmuar shpëtimin e jetës së tre njerëzve.
Në një intervistë për emisionin “People”, Stone ka folur për humbjen e saj tragjike të nipit, ndërsa ka treguar se asgjë nuk e ndihmoi atë dhe familjen e saj të pajtoheshin me humbjen e nipit më shumë se dhurimi i organeve.
Familja e 63-vjeçares i dhuroi organet e Riverit njerëzve të tjerë në nevojë pasi ai vdiq në moshën 11 muajshe, por Sharon, nuk ka preferuar të zbulojë se cilat organe u dhuruan.
Sidoqoftë, Stone përmendi grup moshën e marrësve të donatorëve, ndërsa shtoi vetëm faktin se vdekja e tij nuk ishte e kotë dhe se të dish se ai bëri diçka të mirë është ngushëlluese.
“Fakti që nipi im ishte në gjendje të shpëtonte tre jetë, dy foshnje dhe një burrë 45-vjeçar ishte një ngushëllim i shenjtë për familjen tonë”, tha ajo.
Stone theksoi se edhe pse shumë njerëz janë skeptikë në lidhje me dhurimin e organeve, në fund, kjo i siguroi asaj dhe familjes paqe.
River është djali i vëllait të vogël të Stone, Patrick Stone dhe gruas së tij, Tasha. Vdekja e tij erdhi një javë para ditëlindjes së tij, me 8 shtator.
Para vdekjes së tij, tezja e tij ndau një fotografi të tij të intubuar në spital ndërsa zbuloi se ai vuante nga dështimi i organeve dhe bënte thirrje për lutje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com