Kanë përfunduar dy ndeshjet e para për këtë të mërkurë në Serie A. Lazio dhe Bologna kanë del me tri pikë.
Lazio fitoi me rezultatin 3-1 në transfertë përballë Venezia-s. Bologna fitoi me shifrat 3-0 në transfertë përballë Sassuolo-s.
Skuadra e Maurizio Sarri-t shënoi një herë në pjesën e parë dhe dy herë në të dytën. Spanjolli Pedro shënoi golin e parë të takimit në minutën e tretë. Sfida u barazua brenda pjesës së parë, nga Francesco Forte, në minutën e 30.
Tre minuta nga fillimi i pjesës së dytë, mbrojtësi lacial, Francesco Acerbi, shënoi për 2-1. Goli që vulosi fitoren e Lacio-s, u shënua nga Luis Alberto në minutën 90+3.
Sassuolo mori një humbje befasuese në shtëpi nga Bologna. Ricardo Orsoloni në minutën e 36, Aaron Hickey në të 44 minutë dhe Federico Santander-i në minutën e 90+4 ishin autorët e golave për miqtë.
Me rezultatet e arritura në këto dy ndeshje, Lazio shkon në vendin e tetë me 31 pikë, Bologna në vendin e 10 me 27 pikë, Sassuolo në vendin e 13 me 24 pikë dhe Venezia në vendin e 16 me 17 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
