Tre ndeshje do të luhen këtë të shtunë në Serie A italiane. Atalanta e Berat Gjimshitit do të përballet me Roma-n e Marash Kumbullës.
Ndeshjet luhen për javën e 18 të kampionatit. Javë e cila nisi me përballjen Salernitana – Inter, e fituar me shifrat 5-0 nga zikaltrit.
“Gewiss Stadium” do të mirëpresë sfidën e parë në Serie A për këtë të shtunë. Atalanta do të presë Roma-n, duke filluar nga ora 15:00.
Skuadra nga Bergamo renditet e treta në kampionat me 37 pikë. Kryeqytetasit renditen në vendin e tetë me 28 pikë.
Në “Renato Dall’Ara”, duke filluar nga ora 18:00 do të luhet sfida mes Bologna-s vendase dhe Juventus-it.
Miqtë nga Torino kanë 28 pikë në renditje dhe mbajnë vendin e gjashtë. Katër pikë më pak kanë vendsit, që renditen të 10-ët.
Sfida e fundit e të shtunës në Serie A do të luhet në “Unipol Domus”. Cagliari vendas do të përballet me Udinese-n, duke filluar nga ora 20:45.
Miqtë qëndrojnë më lartë në renditje. Udinese mban vendin e 15 dhe ka 17 pikë. Skuadra nga Sardenja ka 10 pikë dhe renditet e parafundit.
Serie A do të luajë të dielën sfidat e mbetura të javës së 18:
Fiorentina – Sassuolo
Spezia – Empoli
Torino – Hellas Verona
Sampdoria – Venezia
Milan – Napoli
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama reagon për dokumentarin e Rai 3: Emision me shpifje, u skandalizova nga qasja kriminale
-
Hasani me homologun kroat: Dialog intensiv politik mes dy qeverive, mirënjohës për mbështetjen
-
Ku mund ta zhvendosë Hamasi degën e tij politike?
-
Lajçak: Në takimin e fundit u ngushtua diferenca për dinarin – pres propozime shumë konkrete në takimin e radhës
