Milan-i është lider i ri i Serie A-së, deri sa Atalanta u bashkua në katërshen e ashpër të titullit me fitoren në fushën e Napoli-t.
Të ndarë nga këto të katërtat, janë pjesa tjetër e kampionatit.
Roma, e cila u mposht nga Inter-i, sot rrezikon ta humb edhe vendin e pestë.
Të gjithë ndjekësit e tyre – Fiorentina, Juventus, Bologna dhe Lazio luajnë ndeshjet e tyre.
Tri të para kanë nga 24 pikë, një më pak se Roma, kurse Lazio ka 22.
Ditën e nis Fiorentina në 12:30, me vizitën pikërisht te Bologna.
Dy skuadrat vijnë në këtë ndeshje pas fitoreve në javën e kaluar, dhe kërkojnë që me një sukses sot të ngjiten në vendin e pestë.
Bologna ka fituar katër nga pesë ndeshjet e fundit, duke konfirmuar formën e mirë që po kalon këtë sezon.
Fiorentina në anën tjetër është skuadra e vetme pa asnjë barazim në Serie A, me tetë fitore dhe shtatë humbje.
Më vonë, do të jetë radha e Lazio-s.
Skuadra e Maurizio Sarri-t ka një punë jo të lehtë, në vizitë te Sampdoria.
Vendasit kërkojnë të shkëputën nga zona e ftohtë, derisa Lazio kërkon kthimin te fitorja pas tri ndeshjesh pa fitore.
Ndeshja e këtyrë dy skuadrave fillon në orën 18:30.
Kurse, ditën e mbyll Juventus-i, bardhezinjtë përballen me Genoa-n tërësisht jashtë formës.
Mysafirët nuk kanë fituar asnjë nga gjashtë ndeshjet e fundit, dhe “Allianz Stadium” nuk duket si vendi ku ata mund të rikthejnë formën.
Por, me mënyrën se si po shkon ky edicion i Serie A-së, gjithçka mund të pritet.
Ndeshja fillon në orarin e zakonshëm 20:45, kurse në orën 15:00 luhen edhe dy ndeshje.
Ato janë:
Spezia – Sassulo
Venezia – Verona
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë