Afati për zhvendosjen e ambasadës serbe nga Tel Avivi në Jerusalem ka skaduar sot.
Ambasada Amerikane në Beograd ka reaguar lidhur me mos përfilljen e marrëveshjes.
“Shpresojmë që partnerët tanë të veprojnë me mirëbesim dhe të vazhdojnë t’i përmbahen angazhimeve të bëra në Uashington,” thuhet në përgjigjen e ambasadës për Radio Evropën e Lirë, përcjell N1.
Lidhur me mosveprimin e Serbisë thuhet se Serbia do të mbajë pasojat pasi që dispozita e Marrëveshjes së Uashingtonit për zhvendosjen e ambasadës serbe në Jerusalem nuk është përmbushur deri më tani.
Kurse, Presidenti i Serbisë, Aleksandar Vuçiç ka thënë se në përputhje me ligjin publik ndërkombëtar, por edhe interesat e Serbisë, do të vendosin për selinë e ambasadës në Izrael, duke shpjeguar se “ato interesa ndryshuan kur Izraeli njohu Kosovën”.
Kjo deklaratë e tij bëri me dije se Serbia nuk do të ndërmarr hapat sipas Marrëveshjes së Uashingtonit duke treguar pezmin pse Izraeli ka njohur pavarësinë e Kosovës.
Kurse Kosova sipas “Marrëveshjes së Uashingtonit” pas njohjes nga Izraeli ka hapur ambasadën e saj në Jerusalem më 15 mars.
Marrëveshja e Kosovës dhe Serbisë me Shtetet e Bashkuara të Amerikës përbëhet nga gjashtëmbëdhjetë pika – jo të gjitha pikat e marrëveshjes janë të njëjta për të dyja vendet.
Një nga këto pika të ndryshme kishte të bënte me Izraelin – derisa në marrëveshjen e nënshkruar me Kosovën garantohej njohja e Izraelit, për Serbinë kërkohej zhvendosja e Ambasadës.
SHBA-të edhe para pak ditësh njoftuan se Departamenti i Shtetit Amerikan është në pritje që Kosova dhe Serbia t’i përmbahen zotimeve të nënshkruara në Uashington në shtatorin e vitit 2020.
SHBA në anën tjetër po u përmbahet zotimeve të veta. Amerikanët kanë bërë pjesën e tyre (studimin e fizibilitetit) sa i përket edhe pikës së shtatë të marrëveshjes.
Kjo pikë përfshinte krijimin e një studimi mbi përdorimin e liqenit të Ujmanit.
Marrëveshja e nënshkruar në Shtëpinë e Bardhë në Uashington nga ish kryeministri i Kosovës, Avdullah Hoti dhe Presidenti i Serbisë, Aleksandër Vuçiç, përmbante dy dokumente për normalizimin e raporteve ekonomike, në prezencë të ish-presidentit amerikan, Donald Trump.
Reportazhi i Albanian Post për Ujmanin
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla letër kryetarëve të grupeve parlamentare: Dërgoni emrat e anëtarëve për Komisionin e Dezinformimit
-
Misteri i miliarderit gjerman që u zhduk në Matterhorn 6 vjet më parë
-
Refuzohet t’i caktohet masa e paraburgimit Akil Gjakovës – ndalohet t’i afrohet bashkëshortes së tij prej 50 metra
-
Ashton, Lajçakut: Keni duruar shumë edhe nga BE-ja edhe nga Ballkani Perëndimor
Lajmet kryesore
-
Italia, BE dhe SHBA dënojnë dhunën në protestën para Bashkisë së Tiranës
-
Begaj vizitë në Urdhrin Sovran të Maltës, vlerësoi marrëdhëniet dypalëshe 30-vjeçare
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët