Senegali ka arritur fitoren në gjysmëfinalen e parë të Kupës së Afrikës.
Skuadra me Sadio Mane-n në krye, ishte dominuese në duelin për të siguruar vendin në finale përballë Burkina Fasos.
Ndeshja në fakti ishte shumë e baraspeshuar, deri në minutën e 70-të.
Deri në atë minut, të dy shtetet krijuan mjaft raste për të shënuar, por nuk e gjetën rrjetën.
Ai që i pari e shtoi emrin në semaforin e madh, ishte Diallo.
Vetëm gjashtë më vonë, në të 76-ën, Idrissa Gueye u shërbye nga Sadio Mane për golin e dytë dhe atë që dukej i qetësisë për Senegalin.
Mirëpo, në të 82-ën, Bertrand Traore shënoi për 1-2 duke e hapur ndeshjen.
Me Burkina Fason në sulm, Sadio Mane shfrytëzoi në maksimum mundësinë e kundërsulmit, duke shënuar për 1-3 dhe duke mbyllur ndeshjen.
Ylli i Liverpool-it u shpall edhe ylli i takimit, në një paraqitje fenomenale për të dërguar shtetin e tij në finalen që flet për mbretin e Afrikës.
Në finalen e gjashtë shkurtit, luanët e terangës do të presin në finale fituesin e duelit Egjipt – Kamerun.
Gjysmëfinalja e dytë zhvillohet të enjten e 3 shkurtit, në orën 20:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë
