Senati i Shteteve të Bashkuara të Amerikës ka vendosur të miratojë një paketë gjithëpërfshirëse të legjislacionit, e cila synon të rrisë aftësinë e vendit për të konkurruar me teknologjinë kineze.
Kjo lëvizje ka ardhur pasi Kongresi kërkon përherë e më shumë të marrë një qëndrim të ashpër kundër Pekin-it.
Agjencia e lajmeve, Reuters, tregon se projektligji që parashikon afro 250 miliardë dollarë ka qartësuar një votim procedural 68-30 në fund të muajit maj dhe se ai pritet të fitojë miratimin përfundimtar pas disa votash për çështje të pazgjidhura.
Në Kongresin e SHBA-së, i cili kontrollohet ngushtë nga demokratët e tjerë të presidentit Joe Biden, dëshira për të mbajtur një qëndrim të ashpër në marrëdhëniet me Kinën është një nga ndjenjat e pakta dypartiake në atmosferën e tij të ndarë thellësisht.
Për sa i përket masës, ajo autorizon afro 190 miliardë dollarë për të forcuar teknologjinë dhe kërkimin amerikan dhe do të aprovonte veçmas shpenzimin e 54 miliardë dollarëve për të rritur prodhimin dhe kërkimin amerikan të gjysmëpërçuesve dhe pajisjeve të telekomunikacionit.
Gina Raimondo, sekretarja e tregtisë në SHBA, është shprehur se financimi mund të rezultojë në shtatë deri në 10 impiante të reja gjysmëpërçuesish.
Ndërkohë, Chuck Schumer, drejtuesi i shumicës demokratike të Senatit, ka thënë se Shtetet e Bashkuara shpenzojnë më pak se një për qind të prodhimit të brendshëm bruto në kërkimin shkencor bazë. Dhe kjo rezulton të jetë më pak se gjysma e asaj që bën Kina.
“Legjislacioni dypartiak do të jetë investimi më i madh në kërkimin shkencor dhe inovacionin teknologjik në breza, duke vendosur Shtetet e Bashkuara në një rrugë për të udhëhequr botën në industritë e së ardhmes”, ka deklaruar Schumer.
Projektligji duhet të kalojë gjithashtu edhe në Dhomën e Përfaqësuesve për t’u dërguar në Shtëpinë e Bardhë për t’u nënshkruar në ligj nga presidenti Biden. Megjithatë, nuk është e qartë se si do të duket legjislacioni atje ose kur ata mund ta marrin atë.
Sipas Reuters, legjislacioni kërkon gjithashtu të kundërshtojë rritjen e ndikimit global të Pekin-it përmes diplomacisë, duke punuar me aleatët dhe duke rritur përfshirjen e SHBA-së në organizatat ndërkombëtare.
Kjo pasi ish presidenti republikan, Donald Trump, e nxori Washington-in si pjesë të agjendës së tij “Amerika e Para”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com