Guvernatori i Bankës së Shqipërisë, Genc Sejko, në një prononcim për mediat ka bërë me dije situatën ekonomike në vend pas konfliktit të armatosur në Ukrainë.
Fillimisht Sejko u shpreh se inflacioni në tremujorin e parë të këtij viti shënoi rritje të madhe, me kulmin gjatë muajit mars, ku arriti 5.7%.
“Inflacioni u rrit duke shënuar nivelin mesatar 4.4%. Rritja e inflacionit ishte e shpejtë në mars, ku shifra arriti në 5.7%”.
Lufta mes Ukrainës e Rusisë dhe sanksionet ndaj kësaj të fundit, sollën ndërprerje në tregtimin e mallrave.
Sipas Guvernatorit, kjo solli edhe rritjen e çmimeve.
“Konflikti në Ukrainë dhe sanksionet e vendosura ndaj Rusisë sollën ndërprerje të reja në zinxhirët globale dhe shtuan pasigurinë për të ardhmen. Ato u pasuan nga një rritje e çmimeve në tregjet botërore dhe lëvizje agresive të bankave qendrore në drejtim të shtrëngimit të politikës monetare”.
Rritja e inflacionit, theksoi ai, “ka pasqyruar rimëkëmbjen ekonomike, si dhe tendencën në rritje të pritjeve për inflacionin”.
Duke cituar Institutin e Statistikave (INSTAT), Guvernatori tha se, gjatë vitit të kaluar, është rritur me 8.5% Prodhimi i Brendshëm Bruto dhe ka rënë me 11.4% norma e papunësisë.
Rritja ekonomike do të vijojë të mbështetet nga kushtet ende të favorshme të financimit, deklaroi Sejko.
“Megjithatë, ritmi i rritjes pritet të jetë më i ngadaltë krahasuar me parashikimet e fillimvitit”, përmbylli ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Blerina Bala në krye të Himarës, Rama: Shumica e himariotëve nuk i përket llogores së konfliktit
-
Reagon Tavo pas incidentit: Interesat e vogla kanë marrë peng komunitetin himariot
-
Nuk pati kuorum, anulohet votimi i seancës së 7 marsit
-
Beleri dhe Goro në burg – Blerina Bala komandohet drejtuese e re e bashkisë Himarë
Lajmet kryesore
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Blerina Bala në krye të Himarës, Rama: Shumica e himariotëve nuk i përket llogores së konfliktit
-
Ekspozimi: Politikanët evropianë të së djathtës në listën e pagave të Putinit
-
Raportohet se BE po përgatit pozitë të re për Lajçak-un