Anëtarja e bordit të Bankës Qendrore Evropiane Isabel Schnabel ka paralajmëruar kundër përpjekjeve për të bllokuar Fondin e Rimëkëmbjes së Bashkimit Evropian, duke thënë se një hap i tillë do të ishte një “katastrofë ekonomike për Evropën”.
Fakti që fondi dhe programet e ndihmës kombëtare do të çojnë në rritje të ndjeshme të niveleve të borxhit kombëtar nuk ishte një problem. Kjo, me kushtin që shpenzimet të kishin rritje të qëndrueshme ekonomike, i tha Schnabel revistës gjermane Der Spiegel.
“Rritja e borxhit publik është e pashmangshme dhe e ndjeshme përballë kësaj krize të shekullit, për sa kohë që shpenzimet rriten në mënyrë të qëndrueshme,” tha ajo në një intervistë të botuar të premten e 9 prillit.
Gjykata kushtetuese e Gjermanisë vendosi ratifikimin e fondit të rimëkëmbjes së BE-së në pritje muajin e kaluar, duke thënë se po shqyrtonte një apel urgjent kundër planit të investimeve të financuara nga borxhi.
Schnabel gjithashtu ngriti shqetësime në lidhje me kërcënimet e mundshme për tregjet financiare të shkaktuara nga aktivitetet e fondeve mbrojtëse.
Fakti që rënia e fondit mbrojtës amerikan Archegos Capital Management çoi në miliarda humbje në huadhënësit kryesorë të tillë si Credit Suisse. Kjo e fundit ishte “një sinjal paralajmërues se ekzistojnë rreziqe të konsiderueshme sistemike”, tha Schnabel.
Rasti tregoi se kishte gjithashtu “boshllëqe të konsiderueshme rregullatore”, tha ajo.
Banka nr.2 e Zvicrës mori një goditje prej 4.4 miliardësh franga zvicerane (4.76 miliardë dollarë) nga marrëveshjet me Archegos-in, duke e shtyrë atë që të rishikojë udhëheqjen e bankës së saj të investimeve dhe ndarjet e rrezikut.
Archegos-i u trondit muajin e kaluar kur po zbërtheheshin bastet e tij të ngarkuara me borxhe në aksione të kompanive të caktuara mediatike. Credit Suisse dhe bankat e tjera, të cilat vepronin si ndërmjetësuesit e Archegos-it, duhej të përpiqeshin që të shisnin aksionet që i mbanin si kolateral dhe të zgjidhnin tregtinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Konjufca: Serbia ishte e vendosur për të shfarosur këdo që ishte shqiptar
-
Përmbyllen punimet për projektligjin e KPK-së, Haxhiu: Synojmë përbërje të balancuar mes prokurorëve
-
Italia, BE dhe SHBA dënojnë dhunën në protestën para Bashkisë së Tiranës
-
SHBA bën thirrje për de-përshkallëzim pasi zyrtarët thonë se raketa izraelite godet Iranin
Lajmet kryesore
-
Italia, BE dhe SHBA dënojnë dhunën në protestën para Bashkisë së Tiranës
-
Begaj vizitë në Urdhrin Sovran të Maltës, vlerësoi marrëdhëniet dypalëshe 30-vjeçare
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët