Scamacca mbërrin në Londër për t’i kryer testet mjekësore

Tani edhe zyrtarisht Gianluca Scamacca është pjesë e West Ham United-it.

Klubi anglez do të paguaj në total shumën prej 36 milionë euro dhe gjashtë të tjera do të shkojnë në formën e bonuseve.

Gjithashtu klubi italian ka bërë një biznes të mirë me 23-vjeçarin pasi Sasuolo ka arritur të ruaj edhe 10% të kartonit të sulmuesit të Kombëtares së Italisë në rast të një shitje të mundshme në të ardhmen.

Italiani do të nënshkruaj një kontratë pesë-vjeçare me opsion rinovimi për një tjetër vit dhe testet mjekësore do të kryhen gjatë ditës së marte.

Për klubin londinez, Scamacca është blerja e katërt në këtë afat kalimtar veror.

Sulmuesi shkëlqeu në sezonin e tij të fundit në Itali duke shënuar 16 gola në 36 ndeshje.

West Ham ishte shumë pranë nënshkrimit edhe të Armando Brojës, por për shqiptarin ndërhyri trajneri Thomas Tuchel, i cili insiston që 20-vjecari të jetë pjesë e Chelsea-t për sezonin e ri.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.