Opozita në Mal të Zi ka njoftuar se është tërhequr nga iniciativa për votimin e mosbesimit të Qeverisë, raporton mediumi malazez Vijesti.
“Pas njoftimit nga Fronti Demokratik se do të paraqesë nismë për shkurtimin e mandatit të Kuvendit dhe pasi opozita e bashkuar filloi procedurën e mosbesimit ndaj Qeverisë, besojmë se bisedimet për formimin e një shumice të re parlamentare duhet filluar pa vonesë”, thuhet në deklaratën e përbashkët të opozitës në Malin e Zi.
“Jemi të bindur se do të formohet një shumicë e re parlamentare dhe në atë mënyrë do të krijohen parakushte të nevojshme për rrëzimin e Qeverisë dhe shkarkimin e kryetarit të Parlamentit të Malit të Zi”.
“Për këtë arsye ne tërheqim iniciativën për votim mosbesimi ndaj Qeverisë së Malit të Zi”, thuhet në deklaratën e përbashkët të opozitës në Malin e Zi”.
Në fund të nëntorit, 40 deputetë të opozitës dorëzuan në procedurë parlamentare nismën për votëbesimin e Qeverisë.
Në deklaratat e tyre të mëparshme, disa prej tyre pretendonin se kishin një shumicë mosbesimi ndaj qeverisë aktuale.
Mosbesimi i Qeverisë kërkon votën e 41 deputetëve, nga gjithsej 81 sa janë në mbledhjen aktuale të Kuvendit të Malit të Zi.
Sipas Kushtetutës së Malit të Zi, propozim për mosbesimin e Qeverisë mund ta paraqesin së paku 27 deputetë. Nëse Qeveria fiton besimin e Parlamentit, nënshkruesit nuk mund të paraqesin të reja përpara afatit 90-ditor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Sulmi në Moskë i pamundur pa ndihmën e shërbimeve sekrete të huaja, thotë Turqia
-
Siri, 38 persona humbën jetën nga sulmi izraelit në Aleppo
-
Cilët janë katalizatorët që do ta ndezin fushatën e partive politike ndërsa nis sezoni zgjedhor në Kosovë?
-
Zgjerimi i BE-së: Sa afër anëtarësimit janë nëntë vendet kandidate?
Lajmet kryesore
-
Zgjerimi i BE-së: Sa afër anëtarësimit janë nëntë vendet kandidate?
-
Këshilli Bashkiak i Himarës cakton pasuesin e Jorgo Goros
-
Rusia e vendos Evropën në një udhëkryq: Sa do të kushtonte riarmatimi?
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë