Macky Sall, kreu i Unionit Afrikan, i ka kërkuar presidentit rus Vladimir Putin të marrë parasysh vuajtjet në vendet afrikane nga mungesa e ushqimit.
E gjitha e shkaktuar nga konflikti në Ukrainë.
Putin-i e priti atë në rezidencën e tij në Detin e Zi në Sochi, në ditën e 100-të të ofensivës së Moskës në Ukrainë.
Çka ka shkaktuar mungesa globale të ushqimit dhe furnizimeve me drithëra të bllokuara në portet e Ukrainës.
Prandaj Sall i ka kërkuar Putin-it “të ndërgjegjësohet se vendet tona, edhe nëse janë larg skenës së veprimit, janë viktima në nivel ekonomik” të konfliktit.
Për atë, është e rëndësishme të punohet së bashku, në mënyrë që “çdo gjë, që ka të bëjë me ushqimin, drithin, plehrat… të jetë në të vërtetë jashtë” sanksioneve perëndimore të vendosura ndaj Moskës.
Po ashtu Sall ka thënë se, për shkak të sanksioneve perëndimore, “nuk kemi më akses në grurë nga Rusia dhe veçanërisht në pleh” që është thelbësor për bujqësinë “tanimë të mangët” të Afrikës.
“Kjo me të vërtetë krijon kërcënime serioze për sigurinë ushqimore të kontinentit”, ka theksuar Sall.
Kurse Putin-i ka thënë se Rusia ka qenë “gjithmonë në anën e Afrikës” dhe se është e prirë të rrisë bashkëpunimin.
“Në fazën e re të zhvillimit, ne u kushtojmë rëndësi të madhe marrëdhënieve tona me vendet afrikane dhe duhet të them se kjo ka pasur një rezultat pozitiv”, ka thënë ai.
Lufta e Rusisë në Ukrainë dhe një sërë sanksionesh ndërkombëtare ndaj Rusisë kanë ndërprerë furnizimet me pleh, grurë dhe mallra të tjera nga të dy vendet, duke rritur çmimet e ushqimit dhe karburantit, veçanërisht në vendet në zhvillim.
Çmimet e drithërave në Afrikë, kontinenti më i varfër në botë, janë rritur për shkak të rënies së eksporteve nga Ukraina, duke mprehur ndikimin e konfliktit dhe ndryshimet klimatike.
Gjithashtu, duke ndezur frikën e trazirave sociale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ndalohet një rast i kontrabandës mes kufirit të Kosovës dhe Maqedonisë së Veriut
-
Anija misterioze ruse e ankoruar në Kinë: Sjell armë të Koresë së Veriut në Moskë
-
Akoma ekziston potenciali për konflikt në veri të Kosovës, sipas ushtrisë gjermane
-
Aksion në Malësinë e Madhe: 6 të arrestuar dhe 3 në kërkim
Lajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Raportimet e Albanian Post – PSD përuron “çeshmen e milionerëve” për nder të Liburn Aliut
-
“Evropa mund të vdesë”: Macron kërkon mbrojtje më të fortë dhe reforma ekonomike
-
Lëvizja 5 Yjet i kërkon Melonit të ‘merret me Ramën’ dhe të mbrojë RAI-n