Nga recetat e salcave, salca me avokado është nga më të pasurat në vlera ushqyese, e lehtë dhe e shijshme! Fantastike për të shoqëruar perime të skuqura apo të skarës apo çdo ushqim meksikan si burrito, quesadillas, nachos dhe taco.
Përbërësit: 2 avokado, 400 gr kos, 20 ml vaj ulliri, 2 gr kripë, 2 limona.
Përgatitja
Marrim avokadon dhe e presim në mes. E pastrojmë duke i hequr lëkurën dhe bërthamën, dhe e vendosim në një enë.
Marrim limonët dhe i shtrydhim. Lëngun e dy limonëve e hedhim tek avokado.
Në enën me avokado dhe limon shtojmë kosin, vajin e ullirit dhe kripën.
I vendosim në blender dhe i përziejmë të gjitha produktet, derisa të bëhet një masë kremoze. Më pas e kalojmë në një sitë dhe e kemi gati për ta shërbyer.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
