Ministria e Shëndetësisë ka aprovuar ditёn e martё mbajtjen e mbledhjeve pёr Kёshillin Bashkiak tё qytetit tё Vlorёs.
Sekretari i Këshillit, Agron Gjipali, ka kërkuar një konfirmim mbi ligjshmërinë e realizimit të mbledhjes fizike në sallën e teatrit “Petro Marko”.
Kryebashkiaku i Vlorёs, Dritan Leli, refuzoi mbajtjen e tyre me justifikimin e masave anti-Covid.
“Urdhri nuk cenon aktivitetin e Këshillit Bashkiak. Vlora paraqet një situatë epidemiologjike të mirë, pa asnjë rast Covid. Sigurisht, këto mbledhje duhet të zhvillohen në përputhje me protokollet anti-Covid”, ka shkruar zëvendësministrja e Shёndetёsisё, Mira Rakacolli.
Deputeti socialist, Ilir Metaj, e quajti ndalimin një skemë tё Lelit.
Ai theksoi se nuk do tё pranohet mё asnjë komunikim në distancë dhe se do të merret audit i jashtëm për dhënien e lejeve nga Bashkia e Vlorës.
“Për t’u dhënë seriozitet pikave të rendit të ditës është prania fizike e sallës së mbledhjes”, tha Metaj.
Anëtarët e Këshillit kanë kërkuar ditёn e martё, 22 qershor, sërish mbledhje jashtë radhe me kreun e Bashkisë, nё Vlorё.
Ky i fundit refuzoi kёrkesёn, duke u shprehur se janë në fuqi masat anti-Covid dhe se, “tema e kërkuar për t’u diskutuar mund të futet në rendin e ditës të mbledhjes së parashikuar më 24 qershor online”.
Kujtojmë se, në zgjedhjet parlamentare të Republikës së Shqipërisë, Dritan Leli, ishte zgjedhur si kandidat për deputet në fushatën e Partisë Socialiste.
Kryeministri Edi Rama nga qyteti i Vlorës dha lajmin se Leli nuk e kishte pranuar kandidaturën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve
