Rusia tha të hënën se kishte përdorur raketa lundrimi për të shkatërruar sistemet raketore anti-ajrore S-300, të cilat Ukrainës i shin dhënë nga një vend evropian i paidentifikuar.
Sipas Ministrisë ruse të Mbrojtjes, trupat lëshuan raketat e lundrimit Kalibr të dielën kundër katër lëshuesve S-300 të cilat ishin fshehur në një hangar në periferi të qytetit ukrainas Dnipro.
Rusia tha se 25 trupa ukrainase u goditën në sulm.
“Raketat Kalibr me precizion të lartë të lëshuar nga deti shkatërruan pajisjet e një divizioni raketor anti-ajror S-300, i cili i ishte dorëzuar regjimit të Kievit nga një vend evropian”, tha Ministria.
Po ashtu nga Rusia nuk u tha se cili vend evropian kishte furnizuar Ukrainën me sistemet S-300.
Sllovakia, anëtare e NATO-s, e cila i kishte dhuruar një sistem të tillë raketash Ukrainës, tha se ai që kishte furnizuar nuk ishte goditur.
“S-300 ynë nuk u shkatërrua”, tha zëdhënësja e qeverisë sllovake Lubica Janikova.
Sakaq po nga Ministria u bë me dije se forcat ruse gjithashtu rrëzuan dy avionë ukrainas Su-25 pranë qytetit të Izium dhe shkatërruan dy depo municionesh, njëra prej të cilave ishte afër qytetit jugor të Mykolaiv.
Ushtria ukrainase nuk iu përgjigj menjëherë një kërkese për koment.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
