Sekretari Amerikan i Shtetit, Antony Blinken, zhvilloi një bisedë telefonike me homologun kinez, Wang Yi, duke e paralajmëruar këtë të fundit për rreziqet e sigurisë globale.
Telefonata vjen në një moment të tensionuar në kufirin mes Ukrainës dhe Rusisë.
Kjo, pas vendosjes së armatimeve dhe trupave ruse në Bjellorusi.
Kina zyrtare ravijëzoi, sipas France24, dëshirën dhe thirrjen për qetësi mes palëve.
Shtetet e Bashkuara theksuan mospërshkallëzimin dhe paralajmëruan për rreziqet nga agresioni rus.
“Ne u bëjmë thirrje të gjitha palëve që të qëndrojnë të qetë dhe të përmbahen nga bërja e gjërave që nxisin tensionet dhe nxitin krizën”, i tha Wang, Blinken-it.
Rusia i ka kërkuar NATO-s që të tërheqë trupat dhe armët nga Evropa Lindore.
Shtetet e Bashkuara dhe aleatët e saj në NATO e kundërshtojnë këtë pozicion të sajin.
“Për të zgjidhur çështjen e Ukrainës, ne ende duhet të kthehemi në pikënisjen e Marrëveshjes së re të Minsk-ut”, tha Wang.
Sipas zyrtarit kinez, për sa kohë që bëhen përpjekje në përputhje me drejtimin dhe frymën e marrëveshjes, “Kina do t’i mbështesë ato”.
Letra
Sekretari Amerikan deklaroi më herët se SHBA-të janë të përgatitura “sido” t’i përgjigjet Rusia letrës.
Blinken e ndau qëndrimin gjatë një konference për shtyp mbi situatën në Ukrainë.
Kjo, pasi Washington-i dha përgjigjen e tij me shkrim ndaj kërkesave të Rusisë për garancitë e sigurisë.
Sekretari amerikan u tha gazetarëve se përgjigja përcakton një rrugë serioze diplomatike përpara.
Ai shtoi se SHBA-të janë të hapura për dialog.
Blinken nuk detajoi se çfarë shkruhej në dokument, por garantoi se ishte dërguar me bekimin e Presidentit Biden.
Ambasadori i SHBA-ve në Rusi, John Sullivan, e dorëzoi dokumentin në Moskë, vërejti Blinken gjatë konferencës.
Numri dy i presidencës amerikane tha se përgjigja me shkrim ndaj Rusisë “përsërit atë që kemi thënë publikisht për shumë javë dhe në një kuptim për shumë e shumë vite”.
“Ne e bëmë të qartë se ka parime thelbësore që ne jemi të përkushtuar t’i mbështesim dhe mbrojmë, duke përfshirë sovranitetin dhe integritetin territorial të Ukrainës dhe të drejtën e shteteve për të zgjedhur marrëveshjet dhe aleancat e tyre të sigurisë”, nënvizoi më tej Blinken.
Sekretari shtoi se SHBA-të përsëritën gjithashtu hapjen për diskutime me Rusinë mbi një bazë “reciproke”.
Sipas zyrtarit amerikan, dokumenti i dorëzuar përfshin shqetësimet e Shteteve të Bashkuara, aleatëve dhe partnerëve.
NATO
Një ditë më parë, do të vinte dhe përgjigja e Sekretarit të Përgjithshëm të NATO-s, Jens Stoltenberg.
“E kemi ftuar Rusinë dhe gjithë aleatët e NATO-s, për të mbajtur diskutime e për të gjetur zgjidhje politike. Por, gjithçka varet nga vullneti i gjithsecilit”, deklaroi fillimisht ai.
Sipas Stoltenberg, zgjidhja politike dhe paqësore, është ajo çfarë i shkon për shkat NATO-s.
Nga ana e aleancës nuk kërkohet një konfrontim direkt dhe zgjidhja e tillë, është opsioni më i mirë për të gjithë.
Pavarësisht kësaj, vendet anëtare të NATO-s janë gati nëse forcat ruse nuk sprapsen dhe konflikti përshkallëzohet.
Por, ndryshe nga 100 mijë trupat që Moska ka vendosur në kufi, NATO ka vetëm pesë mijë ushtarë të gatshëm, për t’u nisur menjëherë në luftë.
Sakaq, për zyrtarin e NATO-s, një grup tjetër është në gatishmëri po ashtu, në rast rreziku.
Sekretari i Përgjithshëm ka nënvizuar faktin se të gjithë aleatët, janë në një linjë me propozimet që i janë dhënë Rusisë.
Këtu, përfshihet edhe Gjermania, e cila ka mbetur në heshtje sa i përket çështjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Çitaku, Kurtit: Jeni zgjedhur që ta qeverisni Kosovën, jo t’i përçani shqiptarët
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova
-
Zgjedhjet në RMV, Abdixhiku: Shqiptarët u ndanë, kryeministri populist i Kosovës dhe gjithë aparati qeveritar i tij, u bënë akter aktiv
-
“Jo Rusisë, po Evropës”, Gjeorgjia del në rrugë kundër ligjit për agjentët e huaj
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova