Gazetarët e Proekt-it kanë ndërprerë lidhjet me botuesit e ndaluar, me premtimin që do të vazhdojnë punën hetimore.
Proekt, botuesi i së cilës është kompania amerikane “Project Media, Inc.”, u ndalua në Rusi si një “organizatë e padëshirueshme”.
Në një deklaratë të botuar në Telegram, gazetarët e Proekt-it thanë se Project Media, Inc. është në proces likuidimi dhe “nuk ka më marrëdhënie financiare me asnjë nga gazetarët që punojnë në Rusi”.
Ekipi i Proekt-it shtoi se ata mund të ndryshojnë “formën” e punës së tyre, por nuk ofruan ndonjë hollësi të mëtejshme.
“Përsëri, ne i falënderojmë të gjithë për mbështetjen e tyre. Gazetaria nuk është krim!”, nënvizoi deklarata.
Zyra e Prokurorit të Përgjithshëm Rus shpalli Project Media Inc. si një “organizatë të padëshirueshme” më 15 korrik, duke ndaluar të gjitha operacionet e saj në Rusi, përfshirë botimin e Proekt.
Përveç kësaj, Ministria ruse e Drejtësisë shtoi pesë gazetarë të Proekt-it, duke përfshirë kryeredaktorin Roman Badanin, në regjistrin e saj të “agjentëve të huaj”.
Proekt
Masa për të ndaluar në mënyrë efektive aktivitetet e saj është për të rritur presionin ndaj medias së pavarur në vend.
Media e quajtur “Proekt” ka publikuar një numër raportesh që ekspozojnë korrupsionin dhe abuzimet e pretenduara nga zyrtarë të pasur pranë presidentit rus, Vladimir Putin.
Por sipas Moskës zyrtare, kompania amerikane Project Media Inc. – përbën “një kërcënim për themelin e rendit kushtetues dhe sigurinë e Federatës Ruse”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Çitaku, Kurtit: Jeni zgjedhur që ta qeverisni Kosovën, jo t’i përçani shqiptarët
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova
-
Zgjedhjet në RMV, Abdixhiku: Shqiptarët u ndanë, kryeministri populist i Kosovës dhe gjithë aparati qeveritar i tij, u bënë akter aktiv
-
“Jo Rusisë, po Evropës”, Gjeorgjia del në rrugë kundër ligjit për agjentët e huaj
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova