Parlamenti i Rumanisë miratoi të mërkurën, më 23 dhjetor kabinetin e ri qeveritar të qendrës së djathtë të Florin Citu.
Kabineti i Florin Citu ka 21 anëtarë, përfshirë kryeministrin, dy nënkryeministra dhe 18 ministra. Vetëm një nga 21 anëtarët është një grua, ministri i Punës, Raluca Turcan, duke e bërë këtë një nga qeveritë më të paekuilibruara gjinore, që Rumania ka pasur në 30 vitet e fundit.
Qeveria e koalicionit të djathtë mori 260 vota, nga 455 deputetë të pranishëm, dhe 183 vota kundër.
Antarët e kabinetit Citu, u betuan në Pallatin Cotroceni, në mbrëmjen e ditës së mërkurë, duke filluar zyrtarisht mandatin e tyre.
Kryeministri i ri i Rumanisë, Florian Citu është anëtar i Senatit të Partisë Kombëtare Liberale (PKL), të qendrës së djathtë, i cili ka shërbyer si ministër i Financave në Qeverinë Liberale të Ludovic Orban që nga Nëntori 2019. Ai ishte i anëtar i Partisë Liberale që nga 2016.
Propozimin për të formuar një qeveri të re në emer të një koalicioni të qendrës së djathtë të tre partive të formuara rreth PKL-së, Florin Citu e mori nga presidenti i Rumanisë, Klaus Iohannis.
Ai u caktua gjithashtu si kryeministër në pranverën e vitit 2020 pasi Social Demokratët kishin rrëzuar kabinetin Orban me një mocion mosbesimi. Sidoqoftë, ai u largua disa minuta para votimit, duke lejuar Orban të formonte një qeveri tjetër dhe të fitonte besimin e ligjvënësve.
Florin Citu, ka lindur në 1972, dhe ka shërbyer si senator që nga viti 2016. /AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ministri shqiptar në Qeverinë e Malit të Zi: Kosova shtet sovran, disa në koalicionin qeverisës s’e kanë kuptuar ende
-
Tadiç: Pushteti po jep gjithçka në negociatat me Kosovën – Merkel ishte në shok kur refuzova kërkesat e saj
-
Kryediplomati grek sërish kërkon me urgjencë fokusimin e Evropës te çështja Beleri
-
Daçiç pas avancimit të Kosovës për në KiE: Vendim i turpshëm dhe skandaloz