Rritja e mprehtë e çmimit të karburantit duket se po kërcënon rimëkëmbjen e ngadaltë të industrisë ajrore nga kriza e pandemisë.
E përditshmja “Financial Times” dallon se gjatë kësaj jave, çmimet e naftës u ngjitën në nivelet e tyre më të larta në shtatë vjet, duke shkaktuar shqetësime të reja mbi kostot e transportuesve.
Kjo pasi kërkesa e vakët e udhëtarëve vazhdon edhe pas 18 muajve të kufizimeve në sektorin e udhëtimeve.
Referuar të dhënave nga Shoqata Ndërkombëtare e Transportit Ajror, çmimi i karburantit të avionëve është dyfishuar në afro 750 dollarë për ton gjatë vitit të kaluar.
Jo më larg se javën e kaluar, Delta Air Lines veçoi kostot e karburantit pasi parashikoi një kthim në humbje në tre muajt e fundit të vitit.
“Çmimet e karburantit vazhdojnë të rriten, gjë që do të ushtrojë presion mbi aftësinë tonë për të mbetur fitimprurës”, ka thënë shefi ekzekutiv i linjës ajrore, Ed Bastian.
Përgjithësisht, linjat ajrore do të përpiqen të kalojnë kostot në rritje për pasagjerët duke rritur çmimet e biletave, por industria është ende duke operuar në një mjedis shumë të pasigurt.
Numri i pasagjerëve rezulton shumë nën nivelet normale dhe disa transportues janë duke u përpjekur të stimulojnë tregun përmes tarifave të ulëta, sqaron “Financial Times”.
Vitin e kaluar, shumë kompani ajrore hoqën dorë nga reduktimi i riskut i kërkesave të tyre të ardhshme për karburant kur kaosi përfshiu tregun e naftës, duke mbetur më të ekspozuar ndaj rritjes së çmimeve të naftës.
“Shumica e linjave ajrore pësuan humbje të mëdha vitin e kaluar, pasi kërkesa shpërtheu përballë pandemisë COVID dhe ata u lanë të mbanin kontrata për dërgesa me çmime shumë më lart”, ka thënë Mark Simpson, një analist i aviacionit.
Kështu, vazhdon ai, “shumica e linjave ajrore tkurrën strategjitë e tyre menaxhuese, duke i lënë ata lakuriq përballë rritjes së shpejtë të kostove të karburantit”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Samsung do të prodhojë gjeneratën e fundit të gjysmëpërçuesve në SHBA përpara TSMC-së
-
Sulmet kibernetike janë një kërcënim për stabilitetin financiar global, paralajmëron FMN
-
Grupet tajvaneze shqyrtojnë ngritjen e selive jashtë shtetit në rast sulmi
-
Trump Media u shpëtua në vitin 2022 nga ruso-amerikani nën hetim penal
Lajmet kryesore
-
Sveçla: Zv\drejtori i Policisë është dërguar në paraburgim në Rashkë për “prishje të rendit kushtetues të Serbisë”
-
Sulmet ndaj gjyqësorit nuk janë të denja për demokracinë, thotë ambasadori i BE-së
-
Mes Bashar al-Assad dhe Iranit, përçarja po thellohet
-
SHBA: Shpresojmë të arrihet një marrëveshje për çështjen e dinarit, s’e vëmë në dyshim autoritetin e BQK-së