Në Australi, mbikëqyrësi i konkurrencës ka njoftuar se ka nxjerrë projekt-propozime, për të autorizuar grupin rajonal të industrisë së gazetave, Country Press Australia (CPA), për të negociuar me Google-in dhe Facebook-un mbi pagesat për përmbajtjen e lajmeve në platformat e tyre.
Agjencia e lajmeve, Reuters, tregon se kjo lëvizje ka ardhur pasi CPA-ja ka kërkuar autorizim, për t’i lejuar anëtarët e saj të bëjnë një marrëveshje pagese me Google-in dhe Facebook-un mbi përdorimin e përmbajtjes së lajmeve në platformat e teknologjisë.
Kështu është thënë prej Komisionit Australian të Konkurrencës dhe Konsumatorit (ACCC).
Për sa i përket CPA-së, grupi përfaqëson 81 botues të lajmeve që botojnë afro 160 gazeta rajonale në të gjithë vendin.
“Lejimi i botuesve të 160 gazetave që të negociojnë kolektivisht me Google-in dhe Facebook-un, duhet të ndihmojë në adresimin e disbalancimit të konsiderueshëm të fuqisë së negociatave që ekziston midis gjigantëve digjitalë dhe mediave lokale”, ka thënë në një deklaratë kryetari i ACCC-së, Rod Sims.
Reuters shkruan se autorizimi i propozuar, i cili do të skadojë pas 10 vjetësh, pason një autorizim të përkohshëm të dhënë nga ACCC-ja për CPA-në në muajin prill për të filluar negociatat.
Australia, në nisje të këtij viti, ka miratuar një ligj që mandatonte kompanitë e mëdha të teknologjisë së Shteteve të Bashkuara të Amerikës për të paguar kompanitë mediatike mbi përmbajtjen e lajmeve në platformat e tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
As në takimin e pestë s’ka marrëveshje për dinarin – Lajçak do të dalë me një propozim të ri
-
Serbia propozoi që strukturat ilegale serbe të financohen deri në krijimin e Asociacionit, thotë Bislimi
-
Kush është shefi kur bëhet fjalë për mbrojtjen: NATO apo BE?
-
‘Marifeti’ i Bardhit ndaj Olsi Ramës – Prova pa kallëzim, për të shmangur procesin për shpifje
