“Ku do të shkojë Messi pasi t’i përfundojë kontrata me Barça-n?” – është një pyetje që ndoshta çdo tifoz i Lionel Messi-t apo i Barcelona-s e ka shprehur, meqenëse fati i “jashtëtokësorit” të fushës së blertë është ende një enigmë. Kjo pasi ai nënshkroi një kërkesë transferimi larg Barceonal verën e 2020-ës.
Sipas Rivaldo-s, legjendës së Brazilit dhe ish-lojtarit të Barcelona-s, Messi nuk do të largohet por në fakt, do të nënshkruaj një kontratë të re pasi ka biseduar me Presidentin e ri të ekipit katalanas, Joan Laporta.
Messi ishte fare pranë largimit nga Barça sezonin e kaluar, gjë që shpiku një seri thashethemesh për drejtimet e mundshme të tij: një prej tyre ishte Manchester City, pra, t’i bashkohet ish-trajnerit të tij dhe një personi me të cilin ka ruajtur marrëdhënie mjaft të mirë, Pep Guardiola. Së dyti, ishte dhe ende është Paris Saint-Germain, aty ku ai hipotetikisht do të shkëlqente në një ekip me Neymar Jr, ish-lojtar i Barça-s i cili e ka kërkuar me ngulm Messi-n, Kylian Mbappe-n apo bashkëkombësit e tij Di Maria, dhe Mauro Icardi.
Nuk përbën habi që ekipet e mëdha të vërsulen drejt Messi-t, sapo ta shohin të liruar nga “zinxhirët” e Barça-s, mirëpo, seriozisht, ku do të shkojë Messi?
“Barcelona po përmirësohet me hapa gjigande dhe dukshëm, ndërsa shoqërohet me formën e shkëlqyer të Messi-t pasi Laporta zëvendësoj Bartomeun”, i tha Rivaldo Betfair-it.
“Messi duket shumë herë më i lidhur, aktiv dhe rezultativ me ekipin tani dhe pikërisht kjo arsye, më bën të mendoj se Messi mund të nënshkruaj sërish një kontratë me Barça-n.
Ndërkohë, pak me herët këtë muaj [mars], mbrojtësi i Real Madrid-it, Sergio Ramos, i ka ofruar Messi qëndrim në shtëpinë e tij nëse ai transferohet te Real Madrid-i.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë