Rita Ora dhe Taika Waititi martohen në Londër

Këngëtarja me origjinë shqiptare, Rita Ora, dhe i dashuri i saj nga Zelanda e Re, Taika Waititi, janë martuar me një ceremoni private në Londër, raporton “The Sun UK”.

“Ishte një ceremoni vërtet intime dhe super e veçantë për të gjithë atje”, tha një burim për median. “Më të afërmit dhe më të dashurit e tyre mund ta shohin se sa të dashuruar janë ata”.

Burimi më tej pohoi se këngëtarja – e cila gjithashtu ka ndryshuar emrin e saj në Waititi – donte një martesë të vogël në mënyrë që “të mbante marrëdhënien e tyre sa më private”.

Këngëtarja e hitit “For You”, 31 vjeç, dhe regjisori i “Thor: Ragnarok”, 46 vjeç, u raportua se i kishin bërë propozime pothuajse “të njëkohshme” njëri-tjetrit muajin e kaluar dhe po planifikonin një ceremoni “të ulët” që do të pasohej nga një festë e mrekullueshme më vonë këtë verë.

Taika ka qenë i martuar më parë me producenten e filmit “Chelsea Winstanley”, por dyshja janë ndarë në heshtje në vitin 2018.

Ai ka dy vajza me Chelsea-an, Hinekahu nëntë vjeç dhe Mateëa Kiritapu shtatë vjeç.

Këngëtarja Ora u takua me regjisorin fitues të Çmimit Oskar në Australi në shkurt, ndërsa ishte pjesë e “The Voice Australia”.

Çifti filloi të takohej “fshehurazi” në fillim të marsit të vitit të kaluar, tre muaj para se ajo të largohej nga Australia për në Los Angeles.

Për herë të parë, dyshja bënë debutimin e tyre në tapetin e kuq në premierën e “The Suicide Squad”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.