Marcus Smart u rikthye nga lëndimi për të ndihmuar skuadrën e tij Boston Celtics në fitoren ndaj Miami Heat, duke barazuar finalet e Konferencës Lindore në 1-1.
Një përpjekje e shkëlqyer e gjithanshme nga Smart e pa atë të kontribuojë me 24 pikë, 12 asistime dhe nëntë kërcime në fitoren 127-102 të Celtics.
Jayson Tatum shënoi më së miri për Celtics me 27 pikë, ndërsa Jimmy Butler kryesoi Heat me 29 pikë.
Smart, i cili mungoi në ndeshjen e parë tha se “U ndjeva keq që nuk mund të isha atje me shokët e skuadrës dhe të shkoja në betejë me ta”.
“Ne po luajmë kundër një ekipi vërtet të mirë të Miami Heat. Unë duhet të pushoj, kam rikthyer formën time, duhet të shikoj dhe të shoh disa gjëra dhe të dal për të ekzekutuar këtë lojë”.
Butler kishte shënuar 41 pikë në ndeshjen e parë të serisë, por u mposht nga Smart – i cili shënoi pesë tre pikësha në ndeshjen e dytë të serisë.
“Detyra ime ishte të bëja gjithçka të vështirë për të,” tha Smart, mbrojtësi më i mirë i vitit në NBA”.
Butler tha: “Kjo duhet të lëndojë. Ata u përpoqën të na turpëronin, ata na turpëruan.
“Ne duhet ta kuptojmë këtë. Nuk mund të bëhet shumë më keq. Ata na rrahën në shtëpinë tonë.”
Loja e tretë nga seritë më të mira nga shtatë është të shtunën në Boston.
Në finalet e Konferencës Perëndimore, Golden State Warriors kryeson Dallas Mavericks 1-0 dhe pret ndeshjen e dytë të serisë të premten.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
