Xhamia e Et’hem Beut është rihapur pas një restaurimi disa mujor të pjesës së çatisë dhe afreskeve.
Kryeministri Edi Rama dhe ministrja e Kulturës, Elva Margariti, kanë vizituar ambientet e xhamisë në hapjen e muajit të shenjtë të Ramazanit për besimtarët myslimanë.
“Ky xhevahir i trashëgimisë sonë Kulturore është kthyer në krejt shkëlqimin e vet”, shkruan Rama në Facebook. “Pas një pune të gjatë milimetrike, që ka nxjerrë gjithçka fshihej nën shtresat e kohërave dhe sot është vendi ideal, për të uruar Muajin e Madh të Ramazanit”.
“Me besimin e madh se ky do të jetë edhe një muaj i afrimit vendimtar me dritën në fundin e tunelit rraskapitës të pandemisë”, përmbyll Rama.
Nga xhamia ndërkohë, kryeministri ka nënvizuar faktin se “deri në një muaj më parë, nuk imagjinohej që të mbylleshin punimet”. “Me zgjatjen e orarit të lëvizjes, do të keni edhe më të thjeshtë të kryeni ritet fetare. Si thoni dhe ju, muaji i ardhshëm, shpresojmë të na gjejë të lehtësuar”.
Kryetari i Komunitetit Mysliman Shqiptar, Bujar Spahiu, “kjo është një ditë e gëzueshme për gjithë myslimanët shqiptarë”.
Ministrja Margariti ndërkaq, ka theksuar faktin se “punë është bërë edhe për rikonstruksionin e jashtëm”. “Ndriçimi, minarja dhe gjithë dekori është kombinuar me pamjen e sheshit Skënderbej.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
5 mijë vizitorë në 3 muaj, Rama: Shqipëria, destinacioni më i sugjeruar
-
Parashikimi i motit, 19 prill 2024
-
Akuzat e Metës ndaj SPAK, Basha: Nuk është sjellje normale, Prokuroria ka trazuar ujërat e kastës 34-vjeçare të politikës
-
Kuvendi miraton me 96 vota marrëveshjen për hapjen e Kolegjit të Evropës në Tiranë