Ambasadori i Gjermanisë në Kosovë, Jorn Rohde, ka mirëpritur vendimin e ministrit për Komunitete dhe Kthim në Qeverinë e Kosovës, Nenad Rashiç, i cili ka konfirmuar se ka marrë ftesë nga Shtetet e Bashkuara të Amerikës, për të marrë pjesë në një diskutim, më 31 janar për formimin e Asociacionit të Komunave me Shumice Serbe në Kosovë.
Përmes një cicërime në rrjetin social ‘Twitter’, Rohde e ka cilësuar këtë vendim të drejt, pasi sipas tij do të dërgojë përpara në diskutime.
“Jam plotësisht dakord: Është shumë e rëndësishme të çojmë përpara diskutimin për Asociacionin. Është mirë të dëgjosh se ministri i Kosovës Nenad Rashiç ka konfirmuar pjesëmarrjen e tij në diskutimin e planifikuar më 31 janar në Ambasadën Amerikane në Prishtinë”, ka shkruar Rhode.
I fully agree: It is very important to move the discussion on ASM forward. Good to hear that Kosovan Minister Nenad Rasic has confirmed his participation in the planned ASM discussion on Jan 31 at the @USEmbPristina. https://t.co/wHs8OzdyzV
— Ambassador Jörn Rohde (@GermanAmbKOS) January 25, 2023
Shtetet e Bashkuara dhe Bashkimi Evropian kanë kërkuar vazhdimisht që Kosova ta respektojë Marrëveshjen për Asociacionin.
I dërguari i posaçëm i SHBA-së për Ballkanin Perëndimor, Gabriel Escobar, kishte thënë se nëse Qeveria e Kosovës nuk gjen mënyrë për formimin e Asociacionit, SHBA-ja do të kërkojë “partnerë alternativë”.
Ai ka thënë se këta partnerë mund të jenë nga shoqëria civile, grupet multietnike apo institutet, përkatësisht subjekte që mund të ofrojnë ide, mbi bazën e të cilave mund të krijohet Asociacioni, pa e shkelur Kushtetutën e Kosovës.
Ndërsa në një intervistë për Zërin e Amerikës më 20 janar, Escobar kishte thënë se bisedimet për krijimin e Asociacionit do të nisin deri në fund të këtij muaji, me “njerëz që kanë ide të mira”.
Rashiç, ka bërë të ditur ndër të tjera se, ai dhe të tjerë në Qeverinë e Kosovës po përpiqen që çështjen e Asociacionit ta vendosin para kryeministrit Kurti si çështje teknike dhe jo politike.
“Mendoj se kemi humbur shumë kohë duke mos bërë asgjë. Nuk i kemi bashkuar ato dy dokumente [marrëveshjet e vitit 2013 dhe 2015] ose, thënë më mirë, [nuk kemi paraqitur] ndonjë opsion të dytë ose të tretë përmes punës në nivel teknik”, kishte thënë Rashiç për Radio Evropën e Lirë.
Sipas tij, janë dy elemente të kontestueshme në lidhje me formimin e Asociacionit – emri dhe statusi juridik.
Në pikën e dytë të Marrëveshjes së vitit 2015, sipas Rashiç, shkruan se Asociacioni do të harmonizohet me Kushtetutën e Kosovës, për këtë arsye, shton Rashiç, “nuk ka ndonjë problem juridiko-teknik rreth formimit të tij”.
Sipas tij, Qeveria e Kosovës mund të hartojë një dokument, që do t’i përmbushte obligimet e marra me Marrëveshjen e Brukselit për formimin e Asociacionit dhe, në të njëjtën kohë, do të ishte në përputhje me ligjet e Kosovës.
Ministri Rashiç kishte shtuar se, aktualisht, nuk ka informacione për planet e SHBA-së rreth hapave të ardhshëm për formimin e Asociacionit, por “nëse ndodh që ka diçka që ofron mekanizma më të fortë, garanci për asociacionet, natyrisht se do ta konsiderojmë dhe do të kontribuojmë në mënyrë të përgjegjshme”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Gjermania kërkon që Kosova ta dërgojë në Kushtetuese Asociacionin nëse do anëtarësim në KiE
-
Pentagoni, 1 miliard dollarë ndihmë të re ushtarake për Ukrainën
-
Ra në kontakt me energjinë elektrike, humb jetën 45-vjeçari në Ishull-Lezhë
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë
