Reliance, konglomerati i kompanive industriale në Indi, ka bashkëpunuar me kompanitë e mëdha teknologjike si Facebook-u dhe Google-i dhe kompaninë e shitjeve në internet, Infibeam, për të ngritur një rrjet kombëtar të pagesave digjitale.
Agjensia e lajmeve, Reuters, shkruan se banka qendrore e Indisë ka ftuar kompanitë të krijojnë njësi të reja ombrellë për te krijuar një rrjet pagese që do të rigjallëronte sistemin e operuar nga Këshilli Kombëtar i Pagesave të Indisë (NPCI). Kjo do të bëhet për të zvogëluar rreziqet e përqëndrimit të hapësirës.
Prej të përditshmes së biznesit në Indi, Elektronik Times, zbulohet se grupi i udhëhequr nga Reliance është në fazat e përparuara të paraqitjes së propozimit të tyre te banka indiane.
Lidhur me NPCI-në, ajo është krijuar në vitin 2008 dhe përfshihet në kategorinë e organizatave jofitimprurëse. Prej vitit 2019, u bë aksionere e dhjetra bankave, përfshirë Bankën e Shtetit të Indisë, Cittibank-un dhe HSBC-në.
Sipas Reuters, Këshilli përpunon biliona dollarë pagesa çdo ditë përmes shërbimeve të transfertave të fondeve ndërbankare, transaksioneve ATM dhe pagesave digjitale.
Për sa i përket bashkëpunimit, një zëdhënës i Infibeam-it ka refuzuar të japë komente me arsyetimin se kompania është e lidhur me konfidencialitetin e procesit. Nga ana tjetër, Facebook-u dhe Google-i e kanë pranuar partneritetin me kompaninë dhe aksionet e tyre në të.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Kushtëzimi i KiE-së me Asociacionin nga Franca e Gjermania po ndodh me pajtimin dhe bekimin e plotë të Qeverisë
