Rekorde të administrimit të vaksinave në Gjermani dhe Spanjë

Në disa vende evropiane, fushata e vaksinimit është përshpejtuar në ritme të jashtëzakonshme. Rekordi për Gjermaninë këtë javë është që ka trefishuar dozat e administruara çdo ditë, duke tejkaluar 700 mijë. Një ndryshim i ritmit që është ndihmuar dhe nga mjekët e përgjithshëm që janë të përfshirë në administrimin e dozave.

Franca ka tejkaluar tavanin e 500 mijë dozave të inokuluara në një ditë. Ministri i Shëndetësisë Olivier Veran, e postoi dje në Twitter, duke kujtuar 437 mijë doza të së enjtes: një kërcim prej 70 mijë në 24 orë.

Spanja po ndryshon gjithashtu ingranazhin: nga 277 mijë ampula të së martës, ajo është rritur për tre ditë në mbi 450 mijë të tilla. Për këtë përshpejtim, dhjetë spitale janë përdorur si qendra vaksinimi dhe gjithashtu, që prej ditës së djeshme, sallat gjigande të sporteve në kryeqytet.

Sado thelbësore që është situata e administrimit, të jesh në gjendje të mbështetesh në një makinë shpërndarëse efikase, sigurisht që nuk është e mjaftueshme për të shkuar shpejt drejt imunitetit të tufës. Për shembull, vendimi në Paris për të dhënë një përforcues me një vaksinë tjetër për ata nën 55 vjeç që kanë marrë tashmë dozën e parë të AstraZeneca-s po nxit frikën në Francë pasi shefi i OBSH-së gjithashtu pranoi se “nuk ka të dhëna në dispozicion për ta rekomanduar këtë”.  Dhe në Madrid dje 60% e njerëzve refuzuan të vaksinohen me AstraZeneca.

Por problemi më i madh është zvogëlimi i disponueshmërisë së dozave të ndara nga vendet evropiane. “Italia ka marrë 15.3 milionë, 3 milionë janë ruajtur, Gjermania kishte rreth 5 milionë më shumë, por është më e populluar: me këto ritme në 7-10 ditë ata do t’i mbarojnë” vëren Matteo Villa, studiues i ‘Ispi.

Me ndërprerjet e furnizimit të AstraZeneca-s, shtyrjet e afateve të Johnson & Johnson (administrata e saj në vendet e BE-së nuk ka filluar ende, furnizimet e para të reduktuara pritet në fund të muajit) dhe dërgesat e pakta të Pfizer-it, përshpejtimi i vaksinave duket “një ushtrim i mirë demonstrues që përplaset me tavanin e disponueshmërisë”.

Kjo nuk do të thotë që të gjithë jemi në të njëjtin nivel. Ka vende që kanë punuar më mirë në lidhje me moshën dhe kanë arritur të sigurojnë fillimisht hallkat më të dobëta të popullsisë. “Le të marrim Francën. Ashtu si Italia ka vaksinuar rreth dy të tretat e të moshuarve mbi tetëdhjetë vjeç, por në krahasim me shtatëdhjetë vjeçarët ata janë në avantazh të qartë, ata janë në shifrat 50 përqind, Italia në 17%”, nënvizon Villa.

Për të rregulluar mungesën e stoqeve, Gjermania kohët e fundit ka të lënë të hapur mundësinë e vaksinës ruse Sputnik V, duke pritur ende që të marrë dritën jeshile nga EMA. Por duke pasur parasysh kapacitetin e ulët të prodhimit për këtë vaksinë dhe gjithashtu atë që ndodhi me furnizimet e dërguara në Sllovaki (përbërja e vaksinës ishte e ndryshme nga sa pritej, sipas Bratislavës), zgjidhja për të ardhmen duhet të qëndrojë diku tjetër.

Dje u mësua se Komisioni Evropian është i gatshëm të blejë edhe 1.8 miliardë doza të një vaksine të vetme, kryesisht të prodhuara në Evropë, për t’u shpërndarë nga viti i ardhshëm.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.